Ýewropanyň klublary 2022-2023 möwsüminden başlap, ilkinji Superliga ýaryşyny geçirmegi meýilleşdirýärler. Onda çykyş etjek 20 gatnaşyjynyň 15-si hemişelik bolar diýip, sport.ru habar berýär.
Super liganyň 15 sany hemişelik gatnaşyjylary belli boldy.
Italiýadan: "Inter", "Milan" we "Ýuwentus";
Angliýadan: "Arsenal", "Çelsi", "Liwerpul", "Tottenhem", "Mançester Ýunaýted" we "Mançester Siti";
Ispaniýadan: "Barselona", "Atletiko" we "Real";
Germaniýadan: "Bawariýa" we Dortmundyň "Borussiýasy";
Fransiýadan: "Pari Sen-Žermen".
20 toparyň 10 topardan ybarat 2 topara bölünmegine garaşylýar. Her topardan ilkinji 4 topar pleý-offa çykar.
Hemişelik agzalaryň her birine ýyllyk 350 million ýewro girdeji kepillendirilýär.
Häzirki wagtda FIFA we UEFA Superligany hatda meýilleşdiriş tapgyrynda-da ykrar etmedi. Bu ýaryşa gatnaşjak klublar we oýunçylar Dünýä we Ýewropa çempionatlaryna gatnaşmaga rugsat bermezlik ýaly meseleler we şol sanda sanksiýalar bilen ýüzbe-ýüz bolýarlar.
