"Barselona" Golliwud kinosynyň hasabyna 200 million ýewro gazanmagy meýilleşdirýär

"Barselona" Golliwud kinosynyň hasabyna 200 million ýewro gazanmagy meýilleşdirýär

"Barselonanyň" ýolbaşçylary koronawirus pandemiýasy sebäpli ýüze çykýan maliýe meseleleriniň çözgütlerini gözlemegini dowam etdirýär. Klubuň 2020/21-nji möwsümdäki girdejisi 300 million ýewro aşaklady diýip, sportmail.ru habar berýär.

Bu meselede katalonlylar hemaýatkärlik goldawyny kino pudagyndan gözleýärler. Žurnalist Sike Rodrigesiň pikiriçe, klubuň işgärleri Golliwudyň wekilleri bilen birnäçe duşuşyklary geçirdiler. Olaryň amerikan kompaniýalarynyň topary bilen hyzmatdaşlyk şertnamasyny baglaşmak niýeti bar.
"Barselona" kinony täze girdeji çeşmesi we öz brendini ösdürmegiň ýoly hökmünde görýär. Golliwudyň kömegi bilen klub, takmynan, 200 million ýewro gazanmagy meýilleşdirýär. Onuň 100 milliony gönüden-göni käbir taslamalar bilen hyzmatdaşlykdan, ýene 100 milliony bolsa, umuman, biznesi ösdürmekden gelmeli.