Lukmanlar çaýyň garry adamlaryň beýnisini goraýandygyny anykladylar

Singapur uniwersitetiniň alymlary, oňat kognitiw funksiýalar bilen baglylykda, wagtly-wagtynda çaý içýän adamlaryň ony seýrek içýän ýa-da düýbünden içmeýän adamlara garanda, beýni gurluşynyň has guramaçylyklydygyny anykladylar.
Alymlar çaýyň beýni gurluşyna edýän oňaýly täsiriniň ilkinji subutnamalaryny aldylar. Bu içginiň wagtly-wagtynda içilmegi beýniniň ýaşyň ulalmagy bilen baglylykda ýüze çykýan funksional peselmegine garşy gorag täsirini ýetirýändigini çaklamak bolýar.
Mundan öňki barlaglar çaý içmegiň adam saglygyna peýdalydygyny görkezdi. Mundan başga-da, bu içginiň şähdiňi açmak we ýürek-damar keselleriniň öňüni almak işini üpjün edýändigi bellenildi. Munda bolsa, barlag geçirijiler ýaşy 60-dan uly bolan adamlaryň 36 sanysyny çagyrdylar hem-de olaryň ýaşaýyş-durmuşy, fiziologiki we psihologiki saglyk ýagdaýlary barada maglumat topladylar. Olaryň ählisi neýropsihologik testlerinden we 2015-nji ýyldan 2018-nji ýyla çenli döwürde magnit-rezonans tomografiýasyndan geçdiler.
Beýniniň kognitiw funksionalyny seljerip, barlag geçirijiler gök ýa-da gara çaýyň 25 ýylyň dowamynda hepdede 4 gezekden az bolmadyk ýagdaýda kabul edilmeginiň beýniniň işine netijeli täsir edýändigini ýüze çykardylar.