Sentýabr aýynyň ortalarynda hytaý kärhanasy Huawei smartfonlar bilen hiç hili umumylygy bolmadyk «akylly» gajetini bazara çykardy. Gürrüň — «Gentle Monster» brendi bilen hyzmatdaşlykda döredilen «Huawei EyeWear Smart Glasses» «akylly» äýnekler barada gidýär.
«Huawei EyeWear Smart Glasses» «akylly» äýnekleriň liniýasy şu ýylyň aprel aýynda anons edilipdi. Oňa bäş sany model girdi: «Smart East Moon 01», «Smart Jack Bye 01», «Smart South Side 01», «Smart Alio 01» we «Smart Alio C1». Ilkinji iki model günden goraýan äýnekler, galan üçüsi göreji gowşak bolan adamlara niýetlenilen.
Geçen hepdäniň ahyrynda «Smart South Side 01», «Smart Alio 01» we «Smart Alio C1» modelleri ahyr satuwa çykdy. “Akylly” äýnekleriň bahasy 280-den 355 dollara çenli barabar.
Ýatlap geçsek, gajet telefony çykarmazdan gürleşmäge mümkinçilik berýär, sebäbi ol mikrofon we stereodinamika bilen üpjün edilen. Telefon jaňyna jogap bermek üçin onuň tutaryna basmak ýeterlik. Aragatnaşyk hilini gowulamak üçin äýnekde galmagaly ýatyrýan Al Bluetooth tehnologiýasy oturdylan.
Korpus IP67 goragyna eýe, onda zarýad berme üçin USB-C bölegi bar. Oturdylan akkumulýator 2,5 sagat gürrüňe ýa-da aýdym diňlemeklige ýetýär.
Huawei «akylly» äýnekleriniň täze modellerini satuwa çykardy
- 09.12.2019 23:26
- 4.6k+
