Ford Motor Co. amerikan awtoöndürijisi 2022-nji ýylyň üçünji çärýeginde awtonom dolandyryş tehnologiýasyny işläp düzüji Argo Al startapynyň ýapylmagy bilen baglanyşykly hasapdan uly mukdaryň aýrylmagy sebäpli arassa ýitgi çekdi. Bu barada interfax.ru belleýär.
Kompaniýanyň habarynda iýul – sentýabr aýlarynda onuň arassa ýitgisiniň geçen ýylyň degişli döwründäki $1,832 mlrd ýa-da paý üçin 45 sent arassa girdeji bilen deňeşdirilende, $827 mln ýa-da paý üçin 21 sent bolandygy aýdylýar.
Kompaniýa kärhananyň girdejisizligine esaslanyp, Argo startapyna maýa goýumyny bes edýändigini habar berdi. Kompaniýa maýa goýmakdan ikinji uly maýadar – Volkswagen AG hem ýüz öwürdi. Netijede, Argo biznesi ýapmak kararyna geldi. Şu sebäpli geçen çärýek Ford-yň çykdaja geçirmeleri $2,7 mlrd boldy.
Şol bir wagtyň özünde, girdeji 35,68 mlrd dollardan 39,39 mlrd dollara çenli ýokarlandy. Hünärmenler girdejini 37,46 mlrd dollar derejesinde çaklapdylar.
Ford şu ýyl EBIT-iň 11,5 mlrd dollar derejesinde bolmagyny çaklaýar. Kompaniýanyň kapitallaşdyrmasy ýylyň başyndan bäri 38,3% peseldi.
