BMG-niň Baş sekretary Gurbanguly Berdimuhamedowa gynanç bildirdi

BMG-niň Baş sekretary Gurbanguly Berdimuhamedowa gynanç bildirdi

Birleşen Milletler Guramasynyň Baş sekretary Antoniu Guterriş Türkmenistanyň Prezidenti Gurbanguly Berdimuhamedowa kakasy Mälikguly Berdimuhamedowyň aradan çykmagy bilen bagly gynanç bildirdi.

"Siziň kakaňyzyň aradan çykandygy baradaky habary çuňňur gynanç duýgusy bilen kabul etdim.

Size we Siziň maşgalaňyza hem-de ýakynlaryňyza öwezini dolup bolmajak bu ýitgi zerarly tüýs ýürekden duýgudaşlygymy bildirýärin.

Siziň Alyhezretiňiz, Size çuňňur hormat goýýandygym we hemmeler üçin iň oňat geljegi gurmagyň bähbidine Birleşen Milletler Guramasynyň Türkmenistan bilen hyzmatdaşlyga hemişe ygrarlydygy baradaky ynandyrmalarymy kabul ediň" - diýlip hatda aýdylýar.