25-nji martda Türkmenabadyň halkara howa menzilinden Moskwa ýörite uçuş amala aşyryldy. Ýörite uçuş Russiýa Federasiýasynyň Türkmenistandaky ilçihanasy tarapyndan guraldy. S7 awiakompaniýasynyň 8536 belgili ýörite gatnawy 176 sany ýolagçyny alyp gitdi. Bu barada ilçihananyň resmi saýty habar berýär.
Bu gatnaw 2020-nji ýylyň martynda Türkmenistan bilen yzygiderli howa gatnawlary togtadylandan bäri guralan dokuzynjy uçuşdyr. Mundan öň, RF-niň ilçihanasy 28-nji fewralda 173 ýolagçy üçin uçuşy gurady.
