Türkmenistan we BMG birnäçe ikitaraplaýyn resminama gol çekdi

  • 03.03.2021 18:48
  • 10k+

2-nji martda Türkmenistanyň Daşary işler ministrliginde «Türkmenistan we Birleşen Milletler Guramasy: Parahatçylygy we ynanyşmagy gazanmagyň ugrunda hyzmatdaşlyk» atly halkara maslahatynyň barşynda sanly wideoaragatnaşyk ulgamy arkaly ikitaraplaýyn resminamalara gol çekmek dabarasy geçirildi.

Hususan-da, Türkmenistanyň hökümeti bilen Birleşen Milletler Guramasynyň Ilat gaznasynyň arasynda bilelikde maliýeleşdirmek hakynda Ylalaşyga hem-de «Ýaşlaryň milli ýaşlar syýasatyny durmuşa geçirmäge we gender deňligini ilerletmäge gatnaşmagynyň gurallaryny pugtalandyrmak» atly taslamanyň çäklerinde Türkmenistanyň Sport we ýaşlar syýasaty ministrligi bilen Birleşen Milletler Guramasynyň Ilat gaznasynyň (UNFPA) arasyndaky 2021-nji ýyl üçin Iş meýilnamasyna gol çekildi. 
Şeýle hem Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow Birleşen Milletler Guramasynyň Türkmenistandaky hemişelik utgaşdyryjysynyň wezipesini wagtlaýyn ýerine ýetiriji, ÝUNISEF-iň Türkmenistandaky wekili hanym Kristin Weýganda Türkmenistanyň Prezidentiniň Birleşen Milletler Guramasynyň pasportlary bolan daşary ýurt raýatlary üçin Türkmenistana gelmegiň we ondan gitmegiň wizasyz tertibini girizmek hakyndaky karary barada Türkmenistanyň Hökümetiniň adyndan resmi habar berýän Türkmenistanyň Daşary işler ministrliginiň werbal notasyny gowşurdy.  
Mälim bolşy ýaly, bu Karara Türkmenistanyň Prezidenti tarapyndan 2021-nji ýylyň 28-nji fewralynda gol çekildi we oňa laýyklykda, şu ýylyň 2-nji martyndan başlap BMG-niň pasportlarynyň eýeleri bolan daşary ýurt raýatlaryna wiza resmileşdirmezden Türkmenistana gelmäge, onda bolmaga hem-de ondan gitmäge, şeýle-de Türkmenistanyň çäginden üstaşyr geçmäge rugsat berilýär.  
Bu Kararyň kabul edilmegi 1946-njy ýylyň Birleşen Milletler Guramasynyň artykmaçlyklary we eldegirmesizlikleri hakyndaky Konwensiýasyna laýyk gelýär.

düýn 22:01
873

Türkmenistanyň ylmy wekiliýeti Rimde möhüm senelere bagyşlanan çärelere gatnaşdy

25-nji noýabrda Türkmenistanyň Ylymlar akademiýasynyň Prezidenti A.Aşirowyň ýolbaşçylygyndaky türkmen wekiliýeti Italiýada ýerleşýän Palasso Walentini köşgünde geçirilen halkara maslahata gatnaşdy. Türkmenistanyň...

düýn 09:33
4.9k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

düýn 09:25
916

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

düýn 09:21
2.4k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...