Minsk şäherinden 57 ýaşly Tatýana Bredelewa Ms. & Mrs. Top of the World Classic 2020 halkara bäsleşiginiň ýeňijisi boldy. Bu barada Sputnik gullugy habar berdi.
Tatýana 46 ýaşdan ulularyň bäsleşýän “Classic” kategoriýasynda iň gowusy boldy. Bu ýaş kategoriýasy boýunça bäsleşik ilkinji gezek geçirildi.
Pandemiýa şertlerine laýyklykda, bäsleşik onlaýn formatda geçirildi. Final üç günläp dowam etdi. Gatnaşyjylar suratlaryny we wideolaryny ýetirdiler, eminler bolsa olary göni ýaýlymda synlap, baha berdiler.
Tatýana Bredelewa 57 ýaşynda. Ol age plus modeli hasaplanýar we işjeň jemgyýetçilik durmuşyny alyp barýar. Ýoga we taý boksy bilen meşgullanýar, baçata we salsa tanslaryny ýerine ýetirýär.