Netflix striming hyzmaty täsin kirpi Sonigiň başdan geçirmeleri barada köp bölümli multfilmi döretmäge girişdi. Bu barada mybryansk.ru habar berdi.
Häzirki wagtda taslama "Sonik Praým" diýlip atlandyrylyp, ony 2022-nji ýylda çykarmak meýilleşdirilýär. Multfilm 24 bölümden ybarat bolar.
Täze taslamada Sonik, hemişekiler ýaly, kino älemini animasion betpällerden halas eder. Şeýle-de bolsa, häzirki wagtda bu keşbe ses berjek aktýor hakda hiç hili maglumat ýok. Öňki ses beriji Rojer Kreýg Smit indi taslama gatnaşmak islemeýändigini mälim etdi. Mundan başga-da, köpçülikleýin habar beriş serişdeleri "Sonik Filmde" filminiň dowamynyň esasy gahrymanlaryndan biri barada habar berdiler.
Mälim bolşy ýaly, gök reňkli aşa ýyndam kirpi Sonik ilkinji gezek 90-njy ýyllaryň başynda Sega wideo oýnunda orta çykypdy. Şol pursatdan başlap, ol kompaniýanyň esasy maskotyna öwrüldi.
