Her ýyl ýazyň ahyrynda Fransiýanyň günortasyndaky Kann şäherinde geçirilýän iri bütindünýä kinoforumy şu ýyl tomsuň ortalaryna çenli süýşüp biler. “Variety”-niň çaklamalaryna görä, festiwal şu ýyl 5-25-nji iýul aralygynda bolar, diýip inc-news.ru habar berdi.
Geçen ýyl ýaryş maksatnamasy üçin filmleriň resmi saýlanylyşy geçirildi, ýöne sanitariýa we epidemiologik ýagdaý sebäpli kino festiwalynyň özi ýatyrylypdy. Guramaçylar bu ýyl beýle ýagdaýyň gaýtalanmajakdygyny wada edýärler.
Eger-de ýagdaýlar üýtgemän, hemme zat meýilnama boýunça alnyp barylsa, onda Kann kino festiwaly 2021-nji ýyldaky ilkinji iri halkara film çäresi bolar.
