Türkmenistan SPEKA-nyň Dolandyryş Geňeşiniň mejlisine gatnaşdy

  • 21.11.2020 23:03
  • 2.3k+

20-nji noýabrda Türkmenistanyň Maliýa we ykdysadyýet ministri Muhammetgeldi Serdarow Birleşen Milletler Guramasynyň Merkezi Aziýa döwletleriniň ykdysadyýetleri boýunça ýörite maksatnamasynyň (SPECA) Dolandyryş geňeşiniň XV mejlisine gatnaşdy. Bu barada ministrligiň metbugat gullugy habar berdi.

Bu ýylky mejlis Gyrgyzystanyň baştutanlygynda wideo şekil arkaly geçirildi.

Maksatnama gatnaşyjy ýurtlar SPEKA-nyň işini gowulandyrmak, COVID-19 pandemiýasyndan soň sosial we ykdysady dikeldiş meseleleri ara alyp maslahatlaşdylar.

Ministr M.Serdarow çykyşynda soňky ýyllarda Türkmenistan bilen SPEKA ýurtlarynyň arasynda söwda-ykdysady gatnaşyklarda ep-esli öňe gidişligiň gazanylandygyny aýtdy. 2018-nji ýylda Türkmenistanyň maksatnama ýurtlary bilen söwda dolanyşygy 1 milliard 143,3 million amerikan dollaryna deň boldy, 2019-njy ýylda bu görkeziji 22% ýokarlandy we 1,4 milliard amerikan dollaryna deň boldy.

Şu ýylyň 9 aýynda dünýädäki epidemiologik ýagdaý sebäpli SPEKA ýurtlary bilen söwda, geçen ýylyň degişli döwri bilen deňeşdirilende, 8% azaldy we 921,8 million amerikan dollaryna deň boldy. Bu döwürde söwdanyň esasy bölegi Owganystana, Özbegistana we Gazagystana düşdi.

Türkmenistan energiýany, sanly ykdysadyýeti, senagaty, ekologiýany, ulag we söwdany ykdysady giňişlikde hyzmatdaşlygyň esasy ugurlary hasaplaýar.

Dolandyryş geňeşiniň mejlisiniň netijelerine esaslanyp, SPEKA agza ýurtlar degişli çözgütleri kabul etdiler.

şu gün 09:33
2.5k+

Airbus programma üpjünçiligindäki näsazlyklar sebäpli A320 uçarlaryny yzyna gaýtarýar: bu dünýä awiaparkynyň ýarysyna deň

Airbus awiakosmos korporasiýasy programma üpjünçiligi bilen bagly meseleleri çözmek üçin A320 uçarlar toparynyň "aglaba bölegini" yzyna çagyrýandygyny yglan etdi. Bu barada Reuters agentligi habar berýär. Airbus awiakompaniýalara iberen beýanatynda programma üpjünçiliginiň indiki meýilleşdirilen uçuşdan öň çalşyrylmalydygyny tabşyrdy...

şu gün 09:25
461

Türkmenistan YHG-nyň daşary işler ministrleriniň geňeşiniň 29-njy mejlisinde çykyş etdi

Daşary işler ministriniň orunbasary Ahmet Gurbanowyň ýolbaşçylygyndaky Türkmenistanyň wekiliýeti 28-nji noýabrda wideoaragatnaşyk ulgamy arkaly geçirilen Ykdysady Hyzmatdaşlyk Guramasynyň (YHG) Daşary işler ministrleriniň geňeşiniň 29-njy mejlisine gatnaşdy...

şu gün 09:21
1.2k+

Almatyda Merkezi Aziýa ýurtlarynyň daşary işler ministrleriniň orunbasarlarynyň 15-nji duşuşygy geçirildi

28-nji noýabrda Almaty şäherinde Merkezi Aziýa ýurtlarynyň Daşary işler ministrleriniň orunbasarlarynyň 15-nji duşuşygy geçirildi. Duşuşyk Gazagystanyň Daşary işler ministrligi tarapyndan BMG-niň Merkezi Aziýa üçin öňüni alyş diplomatiýasy boýunça Sebit merkeziniň (UNRCCA) ýardam bermeginde guraldy diýip, Türkmenistanyň DIM-nde habar berdiler...

şu gün 09:16
3.4k+

Türkmenistanda maýningi we kriptobiržalaryň işini düzgünleşdirýän kanun kabul edildi

Türkmenistanyň Prezidenti Serdar Berdimuhamedow ýurtda kriptowalýutalaryň maýningini we kriptobiržalaryň işini düzgünleşdirýän "Wirtual aktiwler hakynda" Türkmenistanyň Kanunyna gol çekdi. Resminama 2026-njy ýylyň 1-nji ýanwaryndan güýje girer diýip, «Türkmenistan» gazeti habar berýär...