Ukrainaly boksçy Aleksandr Usik Derek Çisorany ýeňenden soň, agyr agramda boksuň dünýä çempiony Entoni Joşua ýüzlendi.
“Entoni, ýagdaýlaryň neneň? Men seniň yzyňdan barýaryn"- diýip, Usik söweşden soň beren interwýusynda aýtdy. Bu barada russian.rt.com habar berýär.
Usik Çisorany 12 raund çeken söweşde eminleriň biragyzdan kabul eden karary bilen ýeňdi we WBO-nyň wersiýasy boýunça agyr agramda dünýä çempionlygyna hökmany bäsdeş boldy. Bu titula häzirki wagtda Joşua eýelik edýär.
Ukrainaly boksçy üçin bu ýeňiş professional ringdäki 18-nji ýeňşi boldy. Professional ringde ol ýekeje gezek-de ýeňilmedi.
Usik ozal Çisorany ýeňenden soň, boks boýunça dünýä çempiony bolmak isleýändigini mälim edipdi.