RF-iň Premýer-ministri Mihail Mişustin 1-nji awgustdan Russiýada halkara howa gatnawlarynyň gaýtadan ýola goýuljakdygyny aýtdy. Bu barada "RIA" agentligi habar berýär.
Mişustin: "Biz epidemiologik ýagdaýa, hassalyk görkezijilerine, özara garşylyklaýyn ýörelgelere esaslanýarys" - diýip belledi.
Uçuşlaryň ilki üç şäherden - Moskwa, Sankt-Peterburg we Don boýundaky Rostowdan amala aşyryljakdygy kesgitlenildi. Serhetleriň açyljak ýurtlarynyň sanawy ýakyn günlerde mälim bolar.
Russiýa beýleki ýurtlar bilen yzygiderli we çarter gatnawlaryny 27-nji martda bes edipdi. Kadadan çykma hökmünde diňe ruslary daşary ýurtlardan yzyna gaýtarmak üçin, şeýle hem hökümetiň adyndan guralan aýratyn uçuşlar bolupdy.
