Italiýa 3-nji iýundan sebitler boýunça gatnawa çäklendirmeleri aýyrar

  • 17.05.2020 23:20
  • 4k+

Italiýa 3-nji iýunda Ýewrobirleşigiň çäklerinde gatnaw üçin ýurda girişe we ondan çykyşa çäklendirmeleri aýyrar, muny Daşary işler ministrliginiň ýolbaşçysy Luiji Di Maýo mälim etdi. Bu barada kp.ru habar berýär. Hökümet herekete gadaganlygyň aýrylýandygy bilen bagly kararyny neşir etdi. Çäklendiriji çäreleri aýyrmak iki tapgyrda amala aşyrylar.
“2020-nji ýylyň 18-nji maýyndan adamlaryň sebitiň içindäki hereketine gadaganlyk aýrylýar. Hökümetiň ýa-da ýerli häkimiýetleriň epidemiologik ýagdaýynyň dartgynly saklanýan aýratyn etraplarda hereket etmeklige gadaganlygy saklamaga hukugy bar” – diýlip, kararda aýdylýar.
2-nji iýuna çenli Italiýada sebitleriň arasynda jemgyýetçilik ulaglarynda we hususy ulaglarda gatnaw gadagan bolar. Şeýle-de, iki tarap, ýagny giriş we çykyş üçin hem döwlet serhetleri ýapyk bolar. Ýöne iş sapary we saglyk bilen bagly gatnawlar üçin kadadan çykma hereket eder.
Ikinji tapgyr 3-nji iýundan başlaýar. Şonda sebitleriň arasynda erkin hereket etmäge rugsat berler.
Ýöne iň esasy zat – şol günden Italiýanyň hökümeti serhetleri açar. Italýanlar Watikana, San-Marino, şeýle-de koronawirus bilen bagly ýagdaý oňaýly bolan ýurtlara arkaýyn gidip bilerler. Edil şonuň ýaly Italiýa hem daşary ýurtlular diňe epidemiologik ýagdaýy asuda diýlip kabul edilen ýurtlardan goýberilip bilner. Ýöne şunuň bilen birlikde, Italiýanyň hökümetiniň kararynda ýurda gelýänleriň 14 gün karantinde bolmalydygy ýa-da däldigi anyklaşdyrylmaýar.
Ýaňy-ýakynda italýan HBS-leri italýan hökümetiniň täze resminama taýýarlandygyny habar berdiler, şol resminama laýyklykda 18-nji maýdan karantinden soň howpsuzlygyň düzgünlerini berk berjaý etmek bilen ähli söwda işleriniň dikeldilmegine rugsat berilýär.

düýn 21:19
795

Angliýanyň hökümeti syýahatçylyk salgydyny girizmegi meýilleşdirýär

Angliýanyň hökümeti otellerde, myhman öýlerinde we beýleki ýerleşilýän jaýlarda galýan myhmanlar üçin syýahatçylyk salgydyny girizmäge taýýarlanýar. Ýolbaşçylar häkimlere şeýle tölegi kesgitlemäge hukuk bermegi meýilleşdirýär...

düýn 09:28
3.1k+

La Liste ýylyň iň gowy 1000 restoranyny saýlady

Parižde restoranlaryň iň belli halkara reýtingleriniň biri bolan La Liste ýyllyk baýragynyň netijesi yglan edildi. Şu ýyl birinji orunda birbada on restoran ýerleşdi – olaryň ählisi 100-den 99,5 bal gazandy. Öňdebaryjylaryň biri Pariždäki Guy Savoy boldy...

26.11.2025 13:14
8k+

Hytaýyň Şençžen şäherinde dünýäde iň uly üsti ýapyk dag lyža kurorty açyldy

Hytaýda dünýäde iň uly üsti ýapyk dag lyža kurorty bolan Huafa Snow World işläp başlady. Ol Şençžende ýerleşýär we 100 müň inedördül metr meýdany tutýan emeli garly toplumdyr (bu takmynan 11 futbol meýdançasyna barabardyr)...

26.11.2025 10:11
3.7k+

Baryp görmeli 31 köçe: Time Out olaryň reýtingini düzdi

Time Out žurnaly iýmiti, dynç alşy we atmosferany göz öňünde tutup, ýerli redaktorlaryň we bilermenleriň saýlamagynda dürli ýurtlardan iň gowy 31 köçäniň reýtingini hödürledi. Sanaw neşiriň saýtynda elýeterli. Awtorlar reýtingdäki köçeleriň öz şäherleriniň häsiýetini we şähdini görkezýändigini belleýär...