Eýranda 5,3 magnitudaly ýer titremesi bolup geçdi. Yrgyldylar Türkmenistanda hem duýuldy

  • 17.05.2021 16:21
  • 54k+
Eýranda 5,3 magnitudaly ýer titremesi bolup geçdi. Yrgyldylar Türkmenistanda hem duýuldy

Duşenbe güni irden Eýranyň demirgazyk-gündogarynda 5,3 magnitudaly ýer titremesi bolup geçdi. Bu barada Ýewropa-Ortaýerdeňzi seýsmologiýa merkezi habar berýär.

Ýer titremesiniň merkezi 192 müň ilaty bolan Bojnurd şäherinden 50 kilometr günorta-günbatarda ýerleşýär. Onuň ojagy 10 kilometr çuňlukda ýerleşýärdi.
Eýranyň IRNA agentliginiň Eýranyň Gyzyl Ýarymaý Jemgyýetine salgylanyp, habar bermegine görä, ýurduň demirgazyk-gündogaryndaky Demirgazyk Horasan welaýatynda Sanhwast şäherinde ýer titremesi netijesinde azyndan üç adam şikes aldy.
Ýerasty yrgyldylar Türkmenistanyň günorta böleginde hem hasaba alyndy. TmCars-yň Aşgabatdaky habarçysy ýer titremesiniň yrgyldylary barada ilkinji minutlarda aşgabat wagty bilen 04:00-dan soň habar beripdi.

ABŞ-nyň birnäçe ştatyna wehimli tornado aralaşyp, güýçli doly ýagdy
düýn 23:40
9.7k+

ABŞ-nyň birnäçe ştatyna wehimli tornado aralaşyp, güýçli doly ýagdy

Hepdäniň başynda ABŞ-nyň birnäçe sebitinde yzigiderli dowam edýän güýçli harasatlar başlandy. Tehasdan Miçigana çenli bolan aralykdaky ýerlerde çabga ýagyşlary, uly göwrümli doly we güýçli ýel hasaba alyndy. Tebigy harasat sişenbe güni, 10-njy martda başlandy...

Germaniýada asmandan inen meteorit ýaşaýyş jaýynyň üstüne düşdi
09.03.2026 14:06
12k+

Germaniýada asmandan inen meteorit ýaşaýyş jaýynyň üstüne düşdi

Germaniýanyň günbataryndaky Reýnland-Pfalz federal ýerindäki Koblens şäherinde 8-nji mart güni agşam asmandan düşen meteorit bölegi ýaşaýyş jaýynyň üstüne düşdi. Koblens polisiýasynyň berýän maglumatyna görä, Gýuls raýonynda sagat 19:00 töweregi kömürleşen asman jisimi jaýyň üçeklerini deşip geçdi...

Antalýanyň kenarlarynda agramy 10 kg ýetýän howply meduzalar peýda boldy
07.03.2026 20:33
6.6k+

Antalýanyň kenarlarynda agramy 10 kg ýetýän howply meduzalar peýda boldy

Türkiýäniň Antalýa şäheriniň kenarýakalarynda ynsan saglygy üçin howply bolan Rhopilema nomadica görnüşli meduzalar peýda boldy. Bu barada Akdeňiz uniwersitetiniň ylmy işgäri Mehmet Gökoglu habar berdi. Ol bu meduzalaryň käbiriniň agramynyň 10 kilograma çenli ýetip bilýändigini belleýär...

Şotlandiýada 55 sany läheň özüni kenara taşlady: munuň sebäbi näme?
07.03.2026 16:39
22k+

Şotlandiýada 55 sany läheň özüni kenara taşlady: munuň sebäbi näme?

Şotlandiýada 55 sany läheň (kit) özüni kenara urdy. Independent neşiriniň habar bermegine görä, 6-njy mart güni irden bir kişi Treýg-Mor kenaryndaky äpet jandarlary görüp, bu barada polisiýa habar ýetiripdir. Wakanyň bolan ýerine Britaniýanyň deňiz haýwanlaryny halas ediş gullugynyň hünärmenleri geldiler...