Winni Puhy döreden Wladimir Zuýkow aradan çykdy

  • 28.02.2021 17:04
  • 13k+
Winni Puhy döreden Wladimir Zuýkow aradan çykdy

"Winni Puh" we "Film, film, film" animasion filmleriniň suratkeş-režissýory Wladimir Zuýkow aradan çykdy. Bu barada "Soýuzmultfilm"-iň baş redaktory Sergeý Kapkow özüniň Facebook sahypasynda ýazdy.

"Sowet animasiýasynyň iň görnükli sungat işgärlerinden biri Wladimir Nikolaýewiç Zuýkow aradan çykdy" diýlip, onuň ýazgysynda aýdylýar.

Kapkowyň aýtmagyna görä, 86 ýaşly meşhur animatoryň aradan çykmagyna koronawirus sebäp boldy.
Zuýkow ilkinji bolup sowet Winni Puhunyň suratlaryny çekdi, onuň tagallasy bilen Ýemşijegiň keşbi peýda boldy. Ol biziň çagalykdan bilýän multfilmlerimiziň ählisiniň üstünde işledi.
Animator ýaşan ömründe mekdepde sapak berdi we dürli neşirýatlarda grafikaçy bolup işledi, 1967-nji ýyldan bäri “Soýuzmultfilm” studiýasynyň önümçilik dizaýneri boldy. Zuýkow Fýodor Hitruk, Mihail Ugarow, Nataliýa Golowanowa ýaly tanymal režissýorlar bilen hem işleşdi. Ýeri gelende bellesek, ol birnäçe abraýly baýraklaryň - "Kann" halkara film festiwalynyň, Barselona reňkli film festiwalynyň baýragynyň eýesidir.

Antarktidanyň kenarýakalarynda ilkinji gezek akula göründi
düýn 21:38
6.2k+

Antarktidanyň kenarýakalarynda ilkinji gezek akula göründi

Awstraliýaly alymlar topary Antarktikanyň suwlarynda, Günorta Şetland adalarynyň golaýynda ilkinji gezek akulanyň bardygyny hasaba aldy. Bu barada Associated Press habarlar agentligi habar berýär. Günbatar Awstraliýa uniwersitetiniň professory Alan Jeýmison: «Biz ol ýerde akula göreris diýip garaşmandyk, sebäbi Antarktikada akulalar ýok diýen umumy kabul edilen ylmy garaýyş bardy» diýip belledi...

ABŞ-da lagymdan 185 kilogramlyk lamantin halas edildi
düýn 12:31
3.6k+

ABŞ-da lagymdan 185 kilogramlyk lamantin halas edildi

ABŞ-nyň Florida ştatyndaky Melburn-Biç kenarynyň golaýynda, siliň suwuny akdyrýan lagym ulgamynda gysylyp galan 185 kilogramlyk äpet lamantin tapyldy. New York Post neşiriniň habar bermegine görä, bu deňiz süýdemdirijisini Melburn-Biç kärhanasynyň bir işgäri görüp, derrew degişli gulluklara habar beripdir...

Fransiýada 36 gün bäri dynman ýagan ýagyş taryhy rekordy täzeledi
düýn 10:39
8.7k+

Fransiýada 36 gün bäri dynman ýagan ýagyş taryhy rekordy täzeledi

Fransiýada ýagynly günleriň dowamlylygy boýunça taryhy rekord hasaba alyndy. BFMTV teleýaýlymynyň habar bermegine görä, ýurtda 15-nji ýanwardan bäri, ýagny 36 günläp yzyny üzmän ýagyş ýagýar. Howanyň ýaramazlaşmagy bilen 17-nji fewralda dört sany departamentde sil gelme ähtimallygy zerarly iň ýokary — "gyzyl" derejeli howp yglan edildi...

Portugaliýada tupanlaryň ýetiren zyýany 5,5 milliard ýewrodan geçdi
18.02.2026 23:24
6.6k+

Portugaliýada tupanlaryň ýetiren zyýany 5,5 milliard ýewrodan geçdi

Portugaliýanyň hökümetiniň we senagat guramalarynyň berýän deslapky maglumatlaryna görä, ýanwar-fewral aýlarynda ýurda inen tupanlaryň ýetiren umumy maddy zyýany 5,5 milliard ýewrodan aşdy. Iň uly ýitgiler döwlet we şahsy emläklere degişli bolup, olaryň möçberi 4,5 milliard ýewrodan gowrak diýlip kesgitlenilýär...