Messi bir klubda uran gollarynyň sany boýunça Peläniň yzyndan ýetdi

  • 20.12.2020 21:43
  • 10k+
Messi bir klubda uran gollarynyň sany boýunça Peläniň yzyndan ýetdi

"Barselonanyň" argentinaly hüjümçisi Lionel Messi bir klubuň düzüminde uran gollarynyň sany boýunça braziliýaly Pele bilen deňleşdi. Bu barada INTERFAX habar berýär.

Şenbe güni ol Ispaniýanyň çempionatyndaky oýunda "Walensiýanyň" derwezesine gol geçirdi, munuň özi Messiniň "Barselonanyň" düzüminde geçiren 643-nji pökgüsi boldy. Pele hem öz döwründe Braziliýanyň “Santos” kluby üçin şonça pökgi geçiripdi, bu görkeziji iň ýokary üstünlik bolupdy.
Messiniň şenbe güni geçiren goly barada aýdylanda bolsa, bu takyk urgy birinji ýarymyň esasy wagtyna goşulan minutlarda bolupdy. Şol bir wagtyň özünde ilki argentinaly hüjümçi 11 metrlik jerime urgusyny urup bilmedi, ýöne sähel salymdan soň pökgini kellesi bilen derwezä geçirmegi başardy.
Messi 2004-nji ýyldan bäri "Barselonanyň" düzüminde çykyş edip gelýär. Katalon kluby bilen ol 34 ýaryşda ýeňiji boldy, şeýle hem alty gezek “Altyn topuň” eýesi boldy.

«Barselona» ikinji gezek Kanseluny, «Aýaks» Ibragimowiçiň ogluny kärendesine aldy
düýn 22:30
5k+

«Barselona» ikinji gezek Kanseluny, «Aýaks» Ibragimowiçiň ogluny kärendesine aldy

Ýewropa futbolynda gyşky transfer penjiresi eýýäm birnäçe gyzykly transferlere getirdi. Klublar möwsümiň ahyrky bölegine taýýarlanmak bilen, işjeň ýagdaýda öz düzümlerini güýçlendirýär. «Barselona» öz resmi saýtynda gyraky goragçy Žoau Kanseluny möwsümiň ahyryna çenli kärendesine alandygy barada habar berdi...

Katar zenanlaryň arasynda ilkinji Klublaýyn dünýä çempionatyny geçirmek üçin FIFA bilen gepleşik geçirýär
düýn 22:14
1.9k+

Katar zenanlaryň arasynda ilkinji Klublaýyn dünýä çempionatyny geçirmek üçin FIFA bilen gepleşik geçirýär

Katar 2028-nji ýylyň ýanwarynda taryhda ilkinji gezek guraljak zenanlaryň arasyndaky Klublaýyn dünýä çempionatyny geçirmek ugrunda FIFA bilen gepleşikleri alyp barýar. Bu barada "The Guardian" neşiri habar berýär...

«Indi biz ahyrky derejämize düşdük»: «Real» 2-nji liganyň toparyndan utulyp, Ispaniýanyň Kubogyndan çykdy
düýn 16:09
9.9k+

«Indi biz ahyrky derejämize düşdük»: «Real» 2-nji liganyň toparyndan utulyp, Ispaniýanyň Kubogyndan çykdy

Ispaniýanyň Kubogynyň 1/8 final oýnunda Madridiň «Realy» «Albaseteden» 2:3 hasabynda garaşylmadyk ýagdaýda utuldy. Aýgytly gol oýnuň ikinji ýarymyna goşulan wagtda geçirildi. Duşuşyk Albasete şäherindäki «Karlos Belmonte» stadionynda boldy...

Afrika milletleriniň kubogynyň finalynda Senegal bilen Marokko duşuşar
düýn 11:42
3.3k+

Afrika milletleriniň kubogynyň finalynda Senegal bilen Marokko duşuşar

Afrika milletleriniň kubogynyň finalçylary kesgitlendi. Titul ugrunda Senegalyň milli ýygyndysy bilen ýaryşyň ýer eýesi Marokko göreşer. Tanžer şäherinde geçirilen birinji ýarym final oýnunda senegallylar az hasap bilen (1:0) ýaryşyň esasy toparlarynyň birini – Müsüriň milli ýygyndysyny utdy...