Aşgabat şäheriniň Oguzhan köçesiniň ugrundaky "Dokmahyzmat" döwlet kärhanasynyň çäginde täze dükanlaryň toplumy açyldy.
Dükanlarda ýerli öndürijileriň dürli dokma önümleri alyjylara hödürlenýär. Bu ýerde “Nusaý”, “Gala” we “Altyn Asyr” ýaly belli brendlerden başga-da, Gypjagyň “Bürgüt” dokma toplumy, şeýle hem elde tikilen dürli görnüşli aýakgaplary hödürleýän “Türkmen Galkan - “Aýakgap” ilkinji gezek öz aýratyn söwda nokadyny açdy.
"Dokmahyzmatyň" çägindäki “Altyn Asyr” dükanynyň şahamçasynda 10 ýaşa çenli çagalar üçin eşikler hödürlenýär.
Tebigy, ekologiýa taýdan arassa pagta süýüminden türkmen dokma önümleriniň önümçiligi ýylsaýyn artýar. "Made in Turkmenistan" diýen bellikli ýokary hilli dokma önümleri Ýewropa ýurtlaryna, Russiýa, Türkiýe we Hytaýa eksport edilmeginden başga-da, esasan ýerli sarp edijilere ugradylýar.
