«Real» dört oýunçysyny satyp, 100 mln ýewro gazanmakçy bolýar

«Real» dört oýunçysyny satyp, 100 mln ýewro gazanmakçy bolýar

Madridiň «Realy» transfer penjiresinde birnäçe futbolçysyny satmagy meýilleşdirýär. Bu barada gazeta.ru habar berýär.

Ispan kluby hüjümçi ýarymgoragçy Garet Beýli, şeýle-de hüjümçiler Mariano Dias bilen Borha Maýoraly satmakçy bolýar. Klubda bu futbolçylary satmak bilen 100 mln ýewro töweregi gazanmagy göz öňünde tutýarlar. Klubdan Lukas Waskesiň hem gitmegi mümkin, ýöne onuň özi «Realdan» aýrylmak islemeýär.
Belläp geçsek, Beýl öz wagtynda «Realyň» iň gymmat satyn alan oýunçysy bolupdy, ýöne Çempionlar ligasyndaky haýran ediji gollaryna garamazdan, ol kluba öwrenişip bilmedi.
Ispaniýanyň çempionatynyň täze möwsümi 11-nji sentýabrda başlaýar. «Real» 20-nji sentýabrda myhmançylykda «Real Sosýedad» klubyna garşy birinji duşuşygyny geçirer.