Türkiýe Respublikasynyň Türkmenistandaky ilçihanasy 2020-nji ýylyň 7-nji awgustynda häzirki wagtda Türkmenistanyň çäginde bolan we Watanyna dolanmak isleýän ildeşleri üçin ýörite uçuşyň guralandygyny habar berdi.
Bu uçuşda uçmak isleýän türk raýatlary ilçihananyň e-poçta salgysyna (embassy.ashgabat@mfa.gov.tr) 2020-nji ýylyň 4-nji awgustyna çenli sagat 17:00-dan gijä galman ýüz tutmalydyr. Şeýle hem olar 500 dollarlyk howa peteklerini Türkmenbaşy şäherinde «Gülhan-Dearsan» kompaniýasyndan satyn alyp bilerler.
Türkmen häkimiýetleri türk raýatlarynyň Aşgabatdan Türkmenbaşy şäherine baryp bilmegi üçin goşmaça içerki gatnawy üpjün eder. Bu barada gerekli maglumatlar öňünden berler.
«Gülhan-Dearsan» tarapyndan guralan ýörite uçuşda öýlerine dolanmak isleýän türk raýatlary COVID-19 üçin PCR barlagyny geçmeli we ugramazdan 24 sagat öň netijeleri tabşyrmaly.
Bu barlagy "Аşgabat ş., Görogly köç., 84 jaý" salgyda ýerleşýän «Jemgyýetçilik saglygy we iýmit merkezinde» geçmek mümkin. Habarlaşmak üçin telefon belgisi: 36-90-51.
Ähli goşmaça soraglar üçin Türkiýe Respublikasynyň Türkmenistandaky ilçihanasynyň konsullyk bölümine şu telefon belgileri arkaly ýüz tutup bilersiňiz: +993 12 94 00 27, +993 12 94 00 29.
