Tesla «Toyotadan» öňe geçip, iň gymmat awtomobil kompaniýasy boldy

  • 24.07.2020 23:20
  • 11k+

Tesla kompaniýasy ozalky lider “Toyota” ýapon awtomobil gurluşyk konserninden öňe geçip, dünýäde iň gymmat awtomobil öndüriji kompaniýa boldy. Teslanyň girdejisi koronawirus keseliniň epidemiýasyna we awtomobillere bolan islegiň birden pese gaçmagyna garamazdan, ösmegini dowam etdirýär. Tesla kompaniýasy özüniň 17 ýyllyk taryhynyň içinde birinji gezek bassyr dört çärýek yzygider girdeji aldy. Ikinji çärýegiň jemi boýunça awtoöndürijiniň sap girdejisi 2019-njy ýylyň ikinji çärýegindäki $408 mln ýitgä garşylykda $104 milliona barabar boldy. Bu barada “TWSJ” neşiri kompaniýanyň resmi wekillerine salgylanmak bilen habar berýär. Muny glas.ru ýetirýär.

2019-njy ýylyň üçünji çärýeginden başlap, Tesla çalt ösüşi görkezdi. 2020-nji ýylyň başynda kompaniýanyň girdejileri epidemiýa sebäpli kemeldi, muňa garamazdan, Tesla 16 mln dollar möçberinde girdeji aldy. Awtomobilleriň satuwyndan girdeji çärýek aňlatmasynda 1% ýokarlandy, ýöne ýyllyk aňlatmasynda 4% pese düşmek bilen $5,179 milliarda barabar boldy.
Model S elektromobilleriň söwdasy ýyllyk aňlatmasynda 40%, ýagny 10,614 müň elektromobile çenli pese gaçdy, Model 3-iň söwdasy 3% ýokarlanmak bilen, 80,277 müň awtomobile barabar boldy. Yzygider dört çärýegiň içinde girdeji gazanmak kompaniýanyň paýnamalaryny S&P 500 indeksine girizmek üçin ýol açýar.
Neşir pandemiýanyň Teslanyň öňde goýan bir ýylyň içinde 500 müň elektromobili öndürmek bilen bagly maksadyna ýetmek ukybyny sorag astyna goýandygyny belleýär, bu 2019-njy ýylda çykarylan elektromobillerden 36% köpdür. Muňa garamazdan, Tesla bu wezipäni pandemiýa sebäpli kynlyk bilen ýerine ýetirjekdigini resmi taýdan aýdyp, bu maksadyndan ýüz öwürmedi.
2020-nji ýylyň birinji bazarlarynyň açylyşynda Teslanyň paýnamalary biržada sanyna $440-dan satyldy. Geçen bazar tapgyrynyň ýapylyşynda bahalar $1592 bolupdy, bazarlar ýapylandan soň paýnamalar $1657-ä çenli gymmatlady.

düýn 18:11
2.2k+

Volkswagen Ýewropada elektrokar satuwy boýunça Tesla-dan öňe geçdi

2025-nji ýylyň birinji alty aýynyň jemi boýunça Volkswagen konserni Ýewropada elektrik ulaglarynyň satuwy boýunça Tesla-dan öňe geçdi. Handelsblatt neşiriniň maglumatlaryna laýyklykda, VW Group-yň düzümine girýän ähli brendleriň batareýa bilen işleýän modelleriniň satuwy, geçen ýylyň degişli döwri bilen deňeşdirilende, sebitde 89% ýokarlandy we 347 900 birlige ýetdi...

düýn 17:56
1.1k+

Mazda CX-5 krossoweriniň täze neslini görkezdi. Salon ulaldy we has oňaýly boldy

Mazda kompaniýasy CX-5 krossoweriniň üçünji neslini görkezdi. Model ulaldy, täzeden dizaýn edildi we salony täzelendi. 2025-nji ýylyň ahyrynda Ýewropada satylyp başlanar we awtoulag soňra beýleki bazarlarda hem peýda bolar...

düýn 17:05
1.9k+

Rimac Nevera tizligi artdyrmakda iň çakgan elektrokar boldy we bir günde 24 sany tizlik rekordyny goýdy

Rimac Nevera R giperkary bir günde 24 sany tizlik rekordyny goýdy, şol sanda noldan sagatda 400 km tizlige çenli çykmakda iň gowy - 25,79 sekunt netijäni görkezdi. Bu barada Horwatiýanyň Rimac kompaniýasy modeliň täze modifikasiýasyny synagdan geçirenden soň habar berdi...

düýn 10:56
8.2k+

Lexus üçeginde tennis oýnadyp, Ginnesiň iki sany üýtgeşik rekordyny goýdy

Lexus kompaniýasy hereket edip barýan ulaglarda tennis oýny bilen bagly Ginnesiň iki rekordyny goýmaga gatnaşdy. Britaniýaly tennisçiler Jeými Marreý we Lora Robson 47 km/sag tizlik bilen hereket edip barýan awtomobilleriň üçeginde durmak bilen, birek-birege yzygider 101 gezek top geçirdi...