Geýts koronawirusdan doly goranmak üçin birnäçe doza sanjym gerek bolar diýip hasaplaýar

  • 24.07.2020 15:22
  • 10k+

Mümkin bolan sanjymyň birnäçe dozasyny sanjyp goýbermek bilen täze görnüşli koronawirus ýokanjyndan doly goragy üpjün edip bolar. Şeýle pikiri Microsoft korporasiýasyny esaslandyryjy Bill Geýts CBS teleýaýlymyna beren interwýusynda aýtdy. Bu barada ТАSS habar berýär.

“Häzirki wagtda sanjymlaryň hiç biri-de bir dozanyň goýberilmegi bilen täsir etjek ýaly görünmeýär" — diýip, ýokanja garşy göreşe $300 mln sarp eden milliarder hasaplaýar.

Geýts sanjymyň tutuş dünýä boýunça ýaýramagy üçin ählumumy tagallalaryň gerekdigini aýdýar.

“Eger-de siz koronawirusyň ýokuşmagyna doly böwet bermek isleseňiz, onda ählumumy möçberde ilatyň 70-80%-ini gurşap almak gerek. Bu juda uly görkeziji” – diýip, telekeçi belleýär.

2015-nji ýyldan bäri pandemiýa howpy barada duýduryp gelýän Geýts islendik sanjymyň netijeliligi bilen baglylykda “köp nätakyklyklaryň” boljakdygyny boýun aldy, ýöne serişdäniň “wagtyň geçmegi bilen kämilleşjekdigini” hem belledi.

Ol Donald Trampyň ABŞ-da koronawirusdan ölüm derejesiniň beýleki ýurtlar bilen deňeşdirilende pesdigi baradaky beýannamasyny hem tankytlady. “Tas ähli görkezijiler boýunça (ýokanç bilen bagly ýagdaý boýunça) ABŞ iň ýaramazlarynyň biri bolup durýar” – diýip, planetanyň iň baý adamlarynyň biri belleýär. “Düýpli ýalňyşlyklar goýberildi” – diýip, ol täze görnüşli koronawirus ýaýrawyna garşy göreş boýunça hökümetiň hereketleri barada aýtmak bilen, sözüniň üstüni ýetirdi. Geýts ABŞ-da beýleki ýurtlara garanda agyz-burun örtüginiň seýrek dakylýandygyny hem belledi.

Telekeçi özüniň adamlara hamala täze görnüşli koronawirusa garşy göreş hökmünde mikroçipleri girizmekçidigi baradaky gürrüňleri toslamadygyny ýene bir gezek ýalana çykardy. Muňa garamazdan, YouGov sosiologik kompaniýasynyň maglumatlary boýunça, amerikanlaryň 28%-i bu gürrüňlere ynanýarlar. “Hakykat üstün çykmaly – diýip, ol belleýär. — Men adamlar hakykaty bilenlerinden soň, bu gürrüňler ýiter diýip umyt edýärin”.

14.07.2025 16:50
2.7k+

“Jeýms Uebb” “Kosmos baýguşynyň” şekilini surata aldy

“Jeýms Uebb” kosmos teleskopy haýran galdyryjy wakanyň - iki sany halka şekilli galaktikanyň çaknyşygynyň şekilini düşürdi. Bu takmynan 38 million ýyl ozal, Ýerden milliardlarça ýagtylyk ýyly uzaklykda bolup geçdi...

14.07.2025 10:59
1.9k+

“Çane-6” Aýyň asteroid bilen çaknyşmagynyň netijeleri barada täze maglumatlary aldy

Hytaýyň “Çane-6” missiýasy tarapyndan Aýyň arka tarapyndan getirilen toprak nusgalarynyň seljermesi alymlara, takmynan, 4 mlrd ýyl ozal uly asteroid bilen çaknyşmagyň Aý mantiýasynyň çuň gatlaklarynyň düzümini üýtgedip bilendigini anyklamaga mümkinçilik berdi...

12.07.2025 19:29
20k+

Bir köpek Hindistanda süýşgün wagty onlarça adamyň halas bolmagyna kömek etdi

Hindistanyň Himaçal-Pradeş ştatyndaky Siýathi obasynda bäş aýlyk güjük süýşgün wagty 67 adamy ölümden halas etdi. Gahrymana öwrülen itiň taryhyny The Independent gürrüň berdi. 30-njy iýun gijesi birnäçe hepde ozal obada öý tapynan it gaty ses bilen üýrüp, hojaýynyny ukudan oýardy...

11.07.2025 14:30
18k+

Tehasdaky suw joşmasynyň ýetiren zyýanlary kosmosdan görkezildi

Maxar Technologies kompaniýasy ABŞ-nyň Tehas ştatyndaky güýçli suw joşmasynyň netijelerine degişli düşüren hemra suratlaryny çap etdi. Suratlar uzak wagtlap ýagan ýagyş sebäpli suwuň derejesiniň birden ýokarlanmagy bilen bagly Gwadelupe derýasynyň uzaboýundaky ýerleriň üýtgändigini görkezýär...