Türkmenistandaky ilkinji gysga wideo akym hyzmaty bolan TMBIZ platformasy synag görnüşinde Google Play-de we App Store-de elýeterli boldy. Islendik adam bu mobil programmany ýükläp alyp, onuň mümkinçiliklerini ýakyndan barlap bilerler. Öň, platformanyň web saýtynyň synag görnüşinde işläp başlandygy barada habar beripdik.
Instagram, TikTok ýaly programmalara meňzeş bolan TMBIZ platformasy ulanyjylara gyzykly hasaplan wideolaryny, telekeçilere öz harytlaryny, hyzmatlaryny köpçülik bilen paýlaşmaga mümkinçilik berýär.
Täzelenen logotip hem-de dizaýn bilen çykarylan TMBIZ platformasy gyzyklanma bildirýän islendik ýaşdaky ulanyjynyň ondan aňsatlyk bilen peýdalanyp biler ýaly derejede işlenip düzüldi.
Islendik adam platformada köpçülige mälim etmek isleýän harytlaryny, arzanlaşyklaryny, hyzmatlaryny täsirli wideolar arkaly aňsatlyk bilen paýlaşyp bilerler. Ulanyjylar bolsa, gyzyklanmasyna görä, wideolara elýeterlilik alyp bilerler.
Platformanyň aýratynlyklarynyň biri “Top ulanyjylar” we “Top wideolar” bäsleşikleriniň bolmagydyr. Bu aýratynlyklar arkaly iň meşhur wideolar we işjeň ulanyjylar, halanma, paýlaşma, görülme we ýüklenme gazanyp bäsleşiklerde ýokary orunlary eýeläp bilerler.
Şeýle hem platformanyň çäginde bal sistema ýola goýuldy. Bal sistemanyň üsti bilen ulanyjylar isleýän mazmunlaryny (kontentlerini) ýükläp bilerler.
Islendik adam tmbiz.info web saýtyna girip ýa-da ykjam goşundy arkaly “Habarlaşmak” bölüminden pikirlerini paýlaşyp biler.
«TMBIZ» ykjam goşundysyny ýükläp almak üçin şu salgylara basyň: Google Play we AppStore
Resmi websaýt: tmbiz.info
