2021-nji ýylyň iýun aýy meteorologiki gözegçilikleriň taryhynda iň yssy bolanlaryň hataryna goşuldy

  • 11.07.2021 07:08
  • 8.3k+

2021-nji ýylyň iýun aýy 2016, 2019 we 2020-nji ýyllaryň degişli döwürlerinden soň 2018-nji ýyl bilen dördünji orny paýlaşyp, dünýädäki iň yssy bolanlaryň birine öwrüldi. Copernicus hemra gözegçilik programmasynyň hasabatynda habar berlişi ýaly, geçen aý 1991 – 2020-nji ýyllardaky degişli döwürlerden Selsiý boýunça ortaça 0,21 gradus ýyly boldy. Bu barada TASS belleýär.

2021-nji ýylyň iýun aýy Ýewropada 2019-njy ýylyň iýun aýyndan soň ikinji iň yssy aý bolmak bilen, sebitiň gündogar böleginde özüniň ýokary derejesine ýetdi. Ýewropada geçen iýun aýynyň ortaça temperaturasy 1991 – 2020-nji ýyllaryň degişli döwürlerinden Selsiý boýunça 1,5 gradus yssy boldy. 
Geçen aý Demirgazyk Amerikanyň käbir sebitlerinde birnäçe temperatura rekordlaryny täzelemek bilen, materikde meteorologiýa gözegçiliginiň tutuş taryhyndaky iň yssy iýun boldy. Arktik Sibir sebitinde 2021-nji ýylyň iýun aýy iň yssy iýun aýlarynyň bäşligine girdi. Ol 2018, 2019 we 2020-nji ýyllardan soň dördünji orny eýeledi. Şol bir wagtyň özünde Antarktikada temperatura kadalydan pes boldy.
Berlen netijeleriň ählisi hemralardan, gämilerden, uçarlardan we meteostansiýalardan dürli ölçegleri ulanmak bilen, kompýuter derňewine esaslanýar.

25.11.2025 17:22
3.5k+

Hytaý taryhynda ilkinji halas ediş kosmos missiýasyny uçurdy

2025-nji ýylyň 25-nji noýabrynda ýerli wagt boýunça 12:11-de (Aşgabat wagty bilen 09:11) Hytaý gyssagly ýagdaýda “Şençžou-22” kosmos gämisiniň “Týangun” orbital stansiýasyna uçuşyny amala aşyrdy. Gämi “Çançžen-2F” raketasynda Szýusýuan kosmodromyndan ekipažsyz uçup, orbita üstünlikli çykdy...

25.11.2025 12:46
17k+

Hindi kinosynyň iň meşhur aktýorlarynyň biri Dharmendra aradan çykdy

Mumbaýda 89 ýaşynda Bolliwud kinosynyň ýyldyzy Dharmendra (doly ady – Dharmendra Kewal Krişan Deol) aradan çykdy. Bu barada Variety neşiri habar berýär. Dharmendra hindi kinosynyň iň esasy şahsyýetleriniň biridi...

21.11.2025 23:45
5.8k+

Uelsdäki muzeýden bürünç asyrynyň altyn şaý-sepleri ogurlandy

Uelsiň paýtagty Kardiff şäherindäki muzeýden bürünç asyrynyň altyn şaý-sepleri ogurlandy. Bu barada ýerli polisiýa salgylanyp, Telegraph gazeti habar berdi. Gazetiň maglumatlaryna görä, bürünç asyrynyň birnäçe özboluşly predmetleri Keramatly Fagan galasynyň çägindäki Milli taryh muzeýiniň baş edarasyndaky witrinadan ogurlandy...

20.11.2025 18:49
6.3k+

NASA 3I/ATLAS kometasynyň Ýere howp salmaýandygyny aýdyp, onuň emeli gelip çykyşyny ret etdi

3I/ATLAS kometasy Gün ulgamyndan daşary ýerden geldi diýip, brifingde NASA-nyň ýolbaşçysynyň orunbasary Amit Kşatriýa habar berdi. Agentligiň esasy ylmy işgäri Tom Stetler kometanyň Gün ulgamyndan ep-esli gadymy bolan ýyldyz ulgamynda emele gelip bilendigini aýdýar...