Satyjy gyz gerek

Salam. Tekstil dükanymyza ýaşajyk satyjy gyz gerek. Mekdep okuwçy, talyp, gelin biziň işimize gabat gelenok, bagyşlaň. Diňe iş wagtynda doly hemme ünsüni bize aýryp biljek, hyjuwly, mylakatlyja gyz gerek. Günortanlyk naharyny, çaý-kofesini özümiz berýäs. Gowy, agzybir kollektiwe gelýäňiz, işdeşleriňiz göwnaçyk, degişgen. Göwne degip, ynjydýan ýok. Iş wagtymyz 11:00-20:00 aralygy. Işimiz agyr däl, marketlardaky ýaly uzakly gün aýak üstünde durmaly däl. Köplenç öýe ýadaman gaýdýaňyz. Hepdäniň 7 günem iş. Aýda 2 gün tölegli rugsat berýäs. Soňam durmuş meselesi bilen galsaňyz ylalaşýas, aňsat aýlygyňyzdan kesemzok. Aýlyk tölegi, başlangyç 2500 manat. Başda synag möhleti bilen alýas. Özüňizi alyp barşyňyza, işe girişişiňize, dükanymyza getirjek peýdaňyza baglylykda 3 aýdan soň aýlyk tölegiňize täzeden seredýäs. Aýlygyňyzy isleseňiz aýyň soňunda bir gezek ýa-da ikä bölüp aýda iki gezek berip bilýäs. Näme iş etmeli? * Birinji wezipesi, dükanymyza gelýän müşderilere güler ýüz bilen, edeplije hyzmat etmeli. Harytlarymyzy açyp görkezmeli, tanyşdyrmaly, dükanyň beýleki işlerine kömekleşmeli. *Ikinji wezipesi, internet sahypalarymyz üçin harytlarymyzy tanyşdyryp wideo düşmeli. Wideolarymyzda gykylyklaşyp, dawalaşyp adamlaryň ünsüni çekjek bolamzok. Özüňizi asyllyja alyp barýaňyz. *Hem satyjylyk etmegi, hem wideo düşmegi başda özümiz gowy düşündirip öwredýäs. Nähili işgär gözleýäs? Dogumlyja, özüne göwni ýetýän, höwes bilen, hyjuwly işlejek, jogapkärçilikli gyz gözleýäs. 5-6 aýlyk däl, birnäçe ýyllyk işgär gerek, biz bilen näçe köp ýol geçdigiňizçe, şonçada şertleriňizi gowlaýas. Işe wagtly wagtyna, gijä galmanjyk gelip gitmeli. Daşary ýurt dilleri bilmegiňiz has hem peýdaly. Öň iş tejribäňiz bar bolsa ýene plýus. Dükanyň salgysy, Podwoýskiý köçede. Gyzyklansaňyz, doly okap bolanyňyzdan soň jaň ediň, sms ýazmaň.