Canyon kompaniýasy “Oregano” sport smart-sagatlaryny hödürledi

Canyon kompaniýasy giň funksionallyga eýe bolan we işjeň ýaşaýyş-durmuş üçin döredilen täze smart-sagatlaryny hödürledi. Öndürijiniň belleýşi ýaly, olar sportuň dürli görnüşleriniň esasynda adaptirlenen, onuň toplumynda gaýşynyň iki sany görnüşi bar, ýagny rezin we poliuretan görnüşleri. Şonuň bilen birlikde, başga laýyk reňkleri hem sargamak bolýar, ýagny saýlaw üçin gara-gyzyl, gara-ýaşyl we kümüşsöw-ak gurluşlar hödürlenýär. Birinji iki ýagdaýda ikinji gaýyş bütinleý gara bolýar, üçünjide – bütinleý ak reňkde. Sagatlar 1 metre çenli çuňluga uzak wagtlaýyn çümülende-de, suwa durnuklylyga eýedir we olar doly derejede tozandan hem goraglydyr.
Sagatlaryň aýratynlyklarynyň arasynda 240x240 pikselli 1,3 dýuýmly reňkli sensor displeýe, garaşma režiminde gajetiň 30 güne, işjeň režimde 5 güne çenli işlemegini üpjün edýän 200 mA/sag sygymly akkumulýatora, Bluetooth 4.2 simsiz tehnologiýa eýedigi hem bellenilip geçilýär.
Gurluşdaky maglumatlar Canyon topary tarapyndan ýörite işlenilip düzülen iOS we OC Android bilen doly gabat gelýän Canyon Life programmasy arkaly sinhronlanýar: sagadyň eýesine sport işjeňliginiň gündeki statuslary we onuň fiziki görkezijileriniň anyk statistikasy elýeterli. Programma gajete awtomatik ýagdaýda birigýär we dürli Canyon gurluşlaryndan alnan maglumatlary birleşdirýär.