Ýaponiýanyň Fugaku superkompýuteri nobatdaky gezek dünýädäki iň kuwwatly kompýuter diýlip ykrar edildi. Ol hökümet üçin COVID-19-a garşy göreş boýunça görkezmeleri işläp taýýarlamaga kömek etdi diýip, “HPC Wire” neşiri ýazýar. Muny mir24.tv ýetirýär.
Fugaku Ýaponiýanyň RIKEN fiziki-himiki gözlegleriň ylmy gözleg instituty bilen Fujitsu kompaniýasy tarapyndan bilelikde işlenip düzüldi. Ol bassyr dört möhlet ýokary öndürijilikli kompýuterleriň dört sany esasy reýtinginde birinji orny saklaýar: TOP500, HPCG, HPL-AI we Graph 500. Iň soňky netijeler SC21 High-Performance Computing Conference konferensiýasynda yglan edildi. TOP500 hasabaty ýylda iki gezek neşir edilýär.
RIKEN R-CCS-niň müdiri Satoşi Masuoka Fugaku-nyň öndürijiligi, energiýa tygşytlylygyny we programmirlemäniň aňsatlygyny özünde jemleýän Ýaponiýanyň dünýädäki iň gowy IT-tehnologiýalarynyň beýany hökmünde öwrenilendigini we işlenip düzülendigini aýtdy. Modelirleme, uly maglumatlar we emeli intellekt üçin esasy synaglardaky liderlikden başga-da, ol hökümet we kompaniýa üçin COVID-19-a garşy göreş boýunça görkezmeleri taýýarlamakda möhüm rol oýnady.
Ýatlap geçsek, Fugaku superkompýuteri 2021-nji ýylyň 9-njy martynda ulanylyşa girizildi, onuň aýry-aýry bölekleri bolsa 2020-nji ýylyň iýun aýynda işläp başlady. 2020-nji ýylyň iýun aýynda ol Top500 reýtinginde dünýäniň iň çalt superkompýuteri boldy.
