Ilon Maskyň eýeçiligindäki SpaceX kosmos kompaniýasy ABŞ-nyň Florida ştatyndaky Kanaweral burnunda ýerleşýän täze Starship gurnama sehiniň gurluşygyna şu ýylyň aprel aýynda başlar we 2026-njy ýylyň awgust aýyna çenli tamamlar. Bu barada ABŞ-nyň Federal raýat awiasiýasy edarasyna (FAA) salgylanyp, amerikan Benzinga agentligi habar berýär.
GigaBay diýlip atlandyrylýan bu gurnama sehiniň gurluşygyna şu ýylyň aprel aýynda başlanar. Täze sehiň gurluşygy, öňden bar bolan üç angaryň (Highbay, Megabay we Megabay 2) hataryna goşular. Şeýle hem, bu täze sehiň Starship transport ulgamynyň böleklerini bir ýerde ýygnamak we dolulygyna birikdirmek üçin niýetlenen toplum bolmagy göz öňünde tutulýar. Bu ähli iş tapgyrlaryny bir ýerde jemläp, Starship kosmos gämileriniň taýýarlanyş prosesini has çalt we netijeli etmäge mümkinçilik döreder.
GigaBay-iň beýikligi 116 metr bolar.
Täze angaryň gurluşygy Starship kosmos gämilerini we Super Heavy raketalaryny köpçülikleýin öndürmäge mümkinçilik döreder. Bu bolsa geljekde SpaceX-iň her günde bir Starship öndürmek baradaky uly maksadyna ýetmäge kömek eder.
