ABŞ-nyň we Germaniýanyň alymlary gurak sebitlerde howadan agyz suwuny alyp biljek materialy işläp taýýarladylar. Barlagçylar bu oýlap tapyş barada ACS Energy Letters žurnalynda habar berdiler.
Täze material seolite we mise esaslanyp döredilen, ol atmosferadaky suw buglaryny özüne netijeli siňdirýär;
“Gapyrgalardan” we sintetiki seolitden ýasalan ýörite gurluşyň esasynda enjam degişlilikde howanyň çyglylygy 30% bolanda günde 1 litr sorujy gatlaga 1,3 litr suw ýygnap biler. Bu şuňa meňzeş beýleki enjamlaryň ýygnaýan suwuna garanda bäş esse köpdür.
Alymlaryň bu oýlap tapyşy gurak sebitlerde suw ýetmezçiligine garşy göreşde hakyky üstünlik bolup biler. Fizikler Ýeriň atmosferasynda bug görnüşinde trillionlarça litr süýji suwuň bardygyny aýdýarlar. Gazy ýygnamak gaty kyn, şonuň üçin täze ösüşiň mümkinçiligi uly hasaplanýar.
Barlagçylar tehnologiýany hasam kämilleşdirmegi, binalar we ulag serişdeleri ýaly dürli ulgamlara ornaşdyrmagy meýilleşdirýärler.
