Ispaniýada azyk önümleri üçin bahalaryň ösüşi 30 ýyllyk rekordy täzeledi

Ispaniýada azyk önümleri üçin bahalaryň ösüşi 30 ýyllyk rekordy täzeledi

Ispaniýada azyk önümleriniň we alkogolsyz içgileriň bahasy şu ýylyň aprel aýynda geçen ýylyň degişli döwri bilen deňeşdirilende 10,1% ýokarlandy. Muny patyşalygyň Milli statistika institutynyň maglumatlary delillendirýär diýip, Day.Az habar berýär.

Onuň maglumatlaryna görä, azyk önümleri we alkogolsyz içgiler üçin bahalaryň ösüşi 10,1%-e deň boldy, bu olaryň düzüm bölekleriniň aglabasynyň bahasynyň umumy ýokarlanmagy sebäpli bolup geçdi. “Şolaryň arasynda etiň, çöregiň we ýarmanyň, noýbanyň, gök önümleriň we süýdüň, peýniriň we ýumurtganyň bahasy geçen ýylyň aprel aýyna garanyňda has ýokary boldy” – diýip, statistika instituty belleýär. “20minutos” gazetiniň wersiýasyna görä, bu 1994-nji ýyldan bäri gözegçiligiň tutuş taryhyndaky iň ýokary görkezijidir.
Geçen aý Ispaniýada inflýasiýa 8,3% boldy. Mart aýynda bu görkeziji 37 ýylyň içinde iň ýokary derejä ýetip, 9,8% boldy.