Argentinanyň milli ýygyndysynyň we «Barselonanyň» hüjümçisi Lionel Messi türgenleriň arasynda Instagramda bir surat üçin goýlan «laýklaryň» («haladymlaryň») sany boýunça rekordy täzeledi. Messiniň Argentinanyň ýaryşda ýeňşinden soň Amerikanyň Kubogy bilen düşen suraty 20 071 038 «laýk» aldy. Bu türgenleriň arasynda “laýklar” boýunça sosial ulgamyň rekordydyr we Instagramda häzire çenli “laýklaryň” sany boýunça 6-njy postdyr. Bu barada sport-express.ru habar berýär.
Mundan öňki rekord Kriştianu Ronaldu degişlidi, onuň 2020-nji ýylyň 25-nji noýabrynda aradan çykan Diego Maradona bagyşlanan posty 19 836 885 “laýk” aldy.
Argentinanyň milli ýygyndysy 11-nji iýulda finalda Braziliýany 1-0 hasabynda ýeňip, Amerikanyň Kubogyny aldy. Final duşuşygy Rio-de-Žaneýronyň “Marakana” stadionynda geçirildi. Messi milli ýygyndynyň düzüminde ilkinji uly baýragy aldy.
Amerikanyň Kubogy – 2021-de Messi ýedi oýunda dört gol girizdi we ýaryşyň iň gowy bombardiri adyny kolumbiýaly Luis Dias bilen paýlaşdy.
