Türkmenistanyň Milli Geňeşiniň Mejlisiniň kabul eden kararyna laýyklykda, Türkmenistanyň Prezidenti, Milli Geňeşiň Halk Maslahatynyň Başlygy Gurbanguly Berdimuhamedowa «Türkmenistanyň ussat halypa seýsi» diýen hormatly at dakyldy.
Bu barada şu gün paýtagtymyzdaky «Oguzkent» myhmanhanasynda geçirilen Halkara ahalteke atçylyk assosiasiýasynyň XI mejlisiniň barşynda Türkmenistanyň Mejlisiniň Başlygy habar berdi.
Gurbanguly Berdimuhamedow türkmen halkynyň milli buýsanjy hem-de gymmatlygy bolan ahalteke bedewleriniň şan-şöhratyny has-da ýokarlandyrmak, dünýäni haýrana goýýan bedewlerimiziň arassa ganynyň saklanyp galynmagy hem-de gamyşgulak bedewlerimiziň baş sanynyň köpeldilmegi ugrunda mundan beýläk hem has köp tagallalar etjekdigini nygtady.
