Yslam ösüş banky bilen Türkmenistan onkologiýa kesellerini bejermäge ýöriteleşen üç sany döwrebap hassahananyň gurluşygy üçin 156,3 million amerikan dollary möçberinde maliýe serişdelerini bölüp bermek boýunça şertnama gol çekdiler. Degişli ylalaşyga Türkmenistanyň Daşary ykdysady döwlet bankynyň başlygy Rahymberdi Jepbarow Waşingtona iş saparynyň çäklerinde Yslam Ösüş bankynyň prezidenti Mohammed Al Jasser bilen gol çekişdi diýip, Türkmenistan Habarlar portaly habar berýär.
Taslamanyň umumy bahasy 259 million dollar bolup, 11 müň 750-den gowrak hassany kabul etmäge niýetlenen täze, döwrebap hassahanalar ýurdumyzyň Balkanabat, Türkmenabat we Mary şäherlerinde gurlar.
Ylalaşyk, 2024–2027 ýyllar üçin «Yslam ösüş bankyna agza döwletler bilen hyzmatdaşlyk strategiýasy» boýunça hyzmatdaşlygy maslahatlaşmak maksady bilen Halkara pul gaznasynyň we Yslam ösüş bankynyň her ýylda geçirilýän ýygnaklarynyň çäklerinde gol çekildi.
Öň, habar berşimiz ýaly, Türkmenistanyň wekiliýeti 2024-nji ýylyň 22 — 26-njy oktýabry aralygynda Amerikanyň Birleşen Ştatlarynyň Waşington şäherinde gulluk iş saparynda boldy.
