“Marketing kosmos agentligi” Sent Into Space çemodanynyň berkligini barlamak üçin, ony 40 müň metr belentlikden taşlady. Bu barada Travel + Leisure žurnaly habar berýär.
Samsonite amerikan brendiniň wekilleri Proxis kolleksiýasyndan agramy iki kilogram bolan çemodany barlap görmek üçin Sent Into Space agentligine ýüz tutdy. Çemodana onuň uçuşyny ýazga alan kamera hem-de beýikligi we howa şertlerini yzarlaýan gurluş berkidildi.
Stratosfera, takmynan, 40 kilometr belentlige ýokary göterilenden soň, çemodan öz-özünden açylýan paraşýutyň kömegi bilen üstünlikli ýere düşdi. Ol stratosferada pes temperatura çydady we hiç hili zeper ýetmezden tigirçekleriniň üstüne düşdi.
“Biziň ähli önümlerimiz berklik we dürli şertlere durnuklylyk synagyndan geçirilýär, şonuň üçin çemodanyň bu synagdan geçjekdigine hil hili şübhe ýokdy. Bizi onuň kosmosdan yzyna dolanman biljekdigi has aladalandyrdy” – diýip, Samsonite-yň wekili belledi.
Ol şeýle çemodany kosmosa uçuş üçin satyn alyp biljek syýahatçylar bilen hyzmatdaşlyga umyt bildirdi.
Sent Into Space berklik we adatdan daşary şertlere durnuklylyk taýdan barlamak üçin dürli predmetleri 30 müň metrden gowrak belentlige stratosfera uçurmaga ýöriteleşýär. Kosmosyň başlanýan serhedi şertli ýagdaýda deňiz derejesinden 100 km belentlikde kesgitlenýär we Karman çyzygy diýlip atlandyrylýar.
