Agyr agramda UFC-niň häzirki çempiony Jon Jons 9-njy noýabrda Nýu-Ýorkdaky “Medison Skwer Garden” arenasynda geçiriljek UFC 308 ýaryşynda oktagona gaýdyp geler. Bu barada söweşiji öz sosial ulgamlarynda habar berdi diýip, “Çempionat” portaly ýazýar.
“9-njy noýabr, “Medison Skwer Garden”. Men şol ýerde bolaryn” – diýip, Jons sosial ulgamlarda ýazdy.
Jonsyň garşydaşynyň 120 kg çenli agram derejesinde UFC-niň öňki çempiony Stipe Mioçiçiň bolmagyna garaşylýar.
Ilkinji gezek Jons bilen Mioçiçiň arasyndaky söweş 2023-nji ýylyň noýabr aýynda geçirilmelidi, ýöne söweşe bir ýarym hepde galanda Jons şikes alyp (kükrek myşsalarynyň dartylmagy), söweşden aýrylmaga mejbur boldy. Olaryň deregine wagtlaýyn çempion tituly üçin russiýaly Sergeý Pawlowiç bilen amerikaly Tom Aspinall söweşdi – bu söweşde Aspinall birinji raundda nokaut bilen ýeňiş gazandy.
Jons soňky söweşini 2023-nji ýylyň mart aýynda UFC 285-de Siril Gana garşy geçirdi we birinji raundda sabmişn bilen ýeňiş gazandy. Onuň hasabynda 27 ýeňiş we bir ýeňliş bar.
Mioçiç soňky gezek oktagona 2021-nji ýylyň mart aýynda UFC 260 ýaryşynda Frensis Ngannu garşy çykdy. Bu söweş Stipeniň nokaut arkaly ýeňilmegi bilen tamamlandy. Onuň hasabynda 20 ýeňiş we dört ýeňliş bar.
