HBS: Rumyn klubunda futbolça derek onuň ekiztaýynyň oýnan bolmagy ahmal. Klub DNK synagyny geçirmegi talap edýär

  • 15.05.2024 11:46
  • 18k+

Rumyniýanyň çempionatynda çykyş edýän Buharestiň “Dinamo ” futbol kluby fewral aýynda şertnama baglaşylan goragçy Edgar Iýe-niň ýerine toparda şu wagta çenli onuň ekiztaýy Edelinonyň oýnap gelen bolmagy mümkin diýip güman edýär. Bu barada Marca sport neşiri ýazýar.

Gwineýa-Bisau şäherinden 30 ýaşly futbolçy Edgar Iýe klubuň esasy toparynda diňe bir oýna çyksa-da, “Barselonanyň” ýetişdiren oýunçysy hasaplanýar. Ol karýerasynda fransuz “Lillinde”, türk “Trabzonsporynda”, niderlandlaryň “Feýenoordynda” we beýleki klublarda oýnady, şeýle hem öz ýurdunyň milli ýygyndysynda iki gezek oýnady.
Ol “Dinamo” bilen şu ýylyň fewral aýynda şertnama baglaşdy. Onuň täze topardaky aýlygy aýda 18 müň ýewro, bu Rumyniýanyň çempionatynyň ölçegleri boýunça ep-esli pul hasaplanýar. Şeýle-de bolsa, bu döwürde goragçy Buharestiň kluby üçin bary-ýogy bäş oýunda oýnady.
Rumyniýanyň habar beriş serişdeleriniň berýän maglumatyna görä, haçanda Edgar Iýe iňlis dilinde gürlemeli bolanda, klubuň ýolbaşçylary oňa betgüman bolup  başladylar. Şertnama gol çekmezden ozal klub oýunçynyň iňlisçe bilýändigine ynanýardy. Mundan başga-da, legioner soralanda kluba sürüjilik şahadatnamasyny görkezmekden ýüz öwürdi.
Onuň ornuna karýerasynda has az üstünlik gazanan, onuň köpüsini Portugaliýanyň we Polşanyň aşaky ligalarynda geçiren ekiztaýy Edelino oýnandyr diýlip çak edilýär.
Indi, çeşmeleriň berýän maglumatyna görä, “Dinamo” Iýe bilen şertnamany ýatyrmagyň ýollaryny gözleýär we DNK synagynyň geçirilmegini talap edýär. Eger şübhelenmeler tassyk bolsa, klub daşary ýurtly oýunçynyň meýdança giren (topar olarda sekiz utuk toplady) ähli oýunlarynda tehniki ýeňlişe sezewar bolup biler. Soňky bäş oýunda ol sanawa goşulmandyr diýip bellenýär.
Klubdan, Edgar Iýeden (ýa-da onuň doganyndan) we Rumyniýanyň Futbol federasiýasyndan hiç hili resmi teswir gelip gowuşmady.


şu gün 14:43
2.7k+

Çempionlar ligasynda bir gijede XXI asyr üçin rekord 64 gol geçirildi

30-njy ýanwara geçilýän gije UEFA-nyň Çempionlar ligasynyň toparlaýyn tapgyrynyň jemleýji oýunlary geçirildi. Bu 8-nji tapgyr ýaryşyň taryhynda iň netijeli tapgyrlaryň biri boldy. Bir wagtda oýnalan 18 oýnuň dowamynda...

şu gün 14:37
3.1k+

Çempionlar ligasy: “Real” ilkinji 8-lige girmedi, “ManSiti” soňky mümkinçilikden peýdalandy

30-njy ýanwara geçilýän gije UEFA-nyň Çempionlar ligasynyň umumy tapgyrynyň jemleýji oýunlary geçirildi. Ähli oýunlar bir wagtda oýnaldy. Netijede, pleý-off tapgyryna gatnaşyjylaryň ählisi kesgitlendi. Umumy tapgyryň...

düýn 15:41
7.7k+

Şu gije Çempionlar ligasynyň umumy tapgyry jemlener: kim gaýdar, kim galar?

Şu gije 2024/25 möwsüminiň UEFA-nyň Çempionlar ligasy ýaryşynyň umumy tapgyrynyň jemleýji oýunlary geçiriler. 8-nji tapgyryň ähli oýunlary bir wagtda oýnalar. Bu duşuşyklaryň netijesinde klublaryň ÇL-iň ýaryş jedwelindäki...

düýn 11:54
11k+

Türkmenistanyň milli ýaşlar ýygyndysynyň 18 ýaşly hüjümçisi “Rostowyň” oýunçysy boldy

Russiýanyň “Rostow” futbol kluby Türkmenistanyň milli ýaşlar ýygyndysynyň 18 ýaşly hüjümçisi Denis Titow bilen şertnama baglaşdy. Futbolçy eýýäm BAE-de geçirilýän okuw-türgenleşik ýygnanyşyklarynda esasy topara...