Hindistan we Ýaponiýa «Chandrayaan-3» maksatnamasynyň üstünlikli durmuşa geçirilmeginiň çäklerinde Aýda bilelikdäki «Lunar Polar Exploration Mission» (LUPEX) missiýasyny işjeňleşdirerler diýip, «Nikkei» neşiri habar berýär.
Taslamanyň çäklerinde Deli we Tokio 2025-nji maliýe ýylynda (2026-njy ýylyň 31-nji martynda tamamlanar) Aýyň günorta polýusynyň sebitine rower bilen düşüriji enjam ibermegi meýilleşdirýärler, bu enjam Ýeriň tebigy hemrasynda suw buzlarynyň gözlegi bilen meşgullanar. Munuň üçin Hindistan düşüriji enjamy, Ýaponiýa bolsa planetada hereket etjek ýokary tehnologiýaly ylmy gurallar bilen üpjün edilen roweri hem-de raketany döreder.
