Boeing amerikan korporasiýasy Hindistanda ýolagçy uçarlaryny ýük uçarlaryna öwürmek bilen meşgullanjak zawody gurmagy meýilleşdirýär. Bu barada kompaniýanyň ösüş boýunça müdiri Mark Allene salgylanyp, Reuters agentligi habar berýär. Muny TASS ýetirýär.
Onuň aýtmagyna görä, bu kärhana Boeing-iň Hindistandan 1 mlrd dollarlyk üpjünçilik zynjyrynyň üstüni ýetirer we bu döwlete ýük gatnawlarynyň global merkezine öwrülmäge kömek eder. Ýöne Allen desganyň haçan guruljakdygy we maýa goýumyň möçberiniň nähili boljakdygy barada jikme-jik maglumat bermedi.
Agentligiň maglumatlaryna görä, zawody döretmek başlangyjy Boeing-iň Hindistanda barlygyny giňeltmek maksady esasynda peýda boldy. Kompaniýa fewral aýynda uçar bölekleri üçin logistika merkezini döretmäge 24 mlrd dollar maýa goýmagy meýilleşdirýändigini aýtdy. Şeýle-de Air India awiagatnadyjysy Boeing-den we Airbus-dan 100 mlrd dollardan gowrak mukdara tas 500 uçar sargyt etdi.
