Çarşenbe güni Pekinde Olimpiada—2022-niň alawynyň estafetasy badalga aldy. Dabara HHR-niň paýtagtynyň demirgazygyndaky Olimpiýa seýilgähinde geçirildi diýip TASS habar berýär.
Estafeta ýerli wagt bilen 09:16-da (05:16 GMT+4) başlandy. «Pekinde Gyşky Olimpiýa oýunlary - 2022-niň estafetasyna badalga berýärin» - diýip dabaranyň barşynda HHR-niň Döwlet Geňeşiniň birinji wise-premýeri Han Çžen belledi.
Pandemiýa zerarly estafetanyň geçjek ýoly we dowamlylygy düýpli azaldyldy. Koronawirus ýokanjynyň ýaýramagynyň öňüni almak maksady bilen estafeta ylgawy tomaşaçylarsyz geçiriler. Mundan başga-da, onuň tapgyrlary köp ilatly köçelerden we etraplardan uzakda geçýär. Estafeta 12 sany esasy tapgyry öz içine alar: Pekin we Çžanszýakou şäherleriniň her birinde olimpiýa alawyny gowşurmak üçin bäş sany zolak döredildi, ýene-de iki zolak paýtagtyň Ýansin etrabynda döredildi.
