Türkiýede feýerwerk zawodynda partlama ýüze çykdy. Wakanyň wideosy RIA Nowosti tarapyndan Telegram kanalynda köpçülige ýetirildi, diýip news.rambler.ru habar berýär.
Sakarýa welaýatynda ýüze çykan bu partlamada azyndan 114 adam ejir çekdi. Häkimiýetleriň habar bermegine görä, onda dört adam aradan çykdy. Waka bolan wagtynda zawodda 110 tonnadan gowrak feýerwerk bardy. Ýangyny söndürmäge Türkiýä tokaý ýangynlaryny söndürmek üçin gelen Russiýanyň Be-200 amfibiýa uçary hem gatnaşdy.
Ondan öň wakanyň bolan ýerine 85 sany tiz kömek we iki sany sanitar uçarynyň iberilendigi habar berildi. Mundan başga-da, ýangyny söndürmäge 11 halas ediş topary gatnaşdy.
Türkiýedäki feýerwerk zawodynda ýüze çykan partlamanyň wideosy görkezildi
- 05.07.2020 13:02
- 13k+
