Apple tutuş dünýä lukmanlary üçin gorag ekranlarynyň önümçiligini işe girizdi

Apple-iň ýolbaşçysy Tim Kuk kompaniýanyň tutuş dünýäniň lukmanlary üçin niýetlenilen, ýüz üçin hususy gorag ekranlaryny döredendigini we ony önümçilige girizendigini habar berdi. Bu barada iphones.ru saýtynda bellenilýär.
Kukuň aýtmagyna görä, ekranlar iki minudyň içinde gurnalýarlar we kelläň ölçegine görä sazlanýarlar.  
Apple eýýäm Hytaýda we ABŞ-da önümçiligi ýola goýdy. Kompaniýa gorag ekranlaryny hepdede 1 milliondan çykarmagy meýilleşdirýär.
“Apple tutuş dünýäde COVID-19-a garşy göreşi goldaýar. Häzirki wagtda biz 20 milliondan gowrak maskany ýola goýduk. Biziň taslamalary düzüji, inžener we gaplama boýunça hünärmen toparlarymyz medisina işgärleri üçin ýüze dakylýan gorag ekranlarynyň taslamalary, olaryň önümçiligi we olary ýerlemek boýunça kärhanalar bilen bilelikde iş alyp barýarlar – diýip Tim Kuk belleýär.
Öň Apple ABŞ-nyň hassahanalary üçin 9 million maskany kömek üçin berdi. Bu babatda ABŞ-nyň wise-prezidenti Maýk Pens: “Bu, meniň bilşime görä, hem prezidenti, hem biziň ählimizi, koronawirusa garşy göreş boýunça Ak öýüň operatiw toparynda işleýänleri hakykatdan hem ruhlandyrýan jomartlygyň derejesi” diýip belledi.