Организаторы Евровидения сообщили об отмене конкурса

“Ýewrowideniýe” aýdym bäsleşigi resmi taýdan ýatyryldy. Bu barada çäräni gurnaýjylara salgylanmak bilen oreanda.ru habar berýär.
Bäsleşigiň wekilleriniň Twitterdäki publikasiýasynda Ýewrowideniýe 2020-niň ýatyrylandygy baradaky kyn karary Ýewropanyň gepleşikler birleşiginiň kabul edendigi habar berilýär.
Birleşik çäräni gurnamak bilen bagly başga usullary hem gözden geçirip gördi. Öň, ony tomaşaçasyz geçirmek boýunça hödürlenen teklip hem bäsleşik geçirilýän ýurduň saglygy goraýyş ministrliginiň berk talaplarynyň esasynda kabul edilmedi. Ahyrynda birleşik ony doly ýatyrmak kararyna geldi.
Bu maglumatlaryň resmi tassyklanmasy heniz gelip gowşanok. 17-nji martda guramaçylaryň Twitterdäki resmi sahypasynda infeksiýanyň ýaýramagy bilen bagly ýagdaýyň hemişe üýtgeýändigi we muny hem hökman göz öňünde tutmalydygy habar berilýär.
“Biz şu ýylyň “Ýewrowideniýesiniň” ykbaly baradaky habara sabyrsyzlyk bilen garaşýandygyňyza düşünýäris. Haýyş, biziň bilen galyň. Biz ýakyn wagtda habar ýetireris diýip umyt edýäris” – diýlip, habarda görkezilýär.
Bäsleşigiň geçirilmegi 2021-nji ýyla süýşürildi. Ýatladyp geçsek, her ýylda geçirilýän bu uly bäsleşik Niderlandiýanyň Rotterdam şäherinde üstümizdäki ýylyň 12-16-njy maýynda geçirilmelidi. “Ýewrowideniýäniň” guramaçylary auditoriýa özlerini goldamagy haýyş etdiler we Niderlandiýada bäsleşigiň taýýarlygy bilen meşgullananlara minnetdarlyk bildirdiler.