Авиарейсы прибывающие в Туркменистан из-за рубежа временно перенаправляются в Туркменабат

Koronawirus ýokanjynyň ýurdumyza getirilmeginiň we ýaýramagynyň öňüni almak maksady bilen daşary ýurtlardan Türkmenistana gelýän uçarlar Türkmenabadyň halkara howa menziline gönükdirilýär. Bu barada Turkmenportal «Türkmenhowaýollary» awiakompaniýasyna salgylanyp habar berýär.
Türkmenistanyň daşyndan gelýän ýolagçylara zerur bolan hli barlaglar geçirilýär, hususan-da, bedeniň temperaturasy ölçenilýär. Howa menziliniň terminaly munuň üçin gerek bolan ähli enjamlara eýedir. Zerurlyk ýüze çykanda näsaglary ýokanç keselleri hassahanasyna ýetirmegiň mehanizmi ýola goýuldy. Howa menziliniň lukmançylyk nokady şahsy gorag serişdeleri bilen üpjün edildi. Lukmançylyk barlagyndan geçenden soňra, uçar ýolagçylary bilen bilelikde Aşgabada ugradylýar.
Türkmenistandan daşary ýurtlara uçýan uçarlar babatda aýdylanda, olar Aşgabadyň halkara howa menzilinden amala aşyrylýar.
«Türkmenhowaýollarynyň» habar bermegine görä, ýolagçylaryň howpsuzlygyny üpjün etmek maksady bilen şu aşakdaky gatnawlary ýatyrmak bellenildi:
• 14.03.2020 ý - 29.03.2020ý aralygynda Aşgabat – Deli – Aşgabat ugry boýunça Т5 537/538 gatnawy
• 01.04.2020 ý - 30.04.2020 ý aralygyndan Aşgabat — Stambul — Aşgabat Т5 901/902 gatnawy
• 13.03.2020 - 27.03.2020 aralygynda Aşgabat — Almata — Aşgabat ugry boýunça Т5 717/718 gatnawy
• 15.03.2020 - 29.03.2020 aralygynda Aşgabat — Kazan — Aşgabat ugry boýunça Т5 735/736 gatnawy;
• 21.03.2020 - 28.03.2020 aralygynda Aşgabat — Sankt-Peterburg — Aşgabat ugry boýunça Т5 731/732 gatnawy
Ýatyrylan gatnawlaryň ýolagçylary pul serişdelerini dolulygyna gaýtaryp alyp bilerler ýa-da öz islegi boýunça beýleki ýakyndaky howa menzilinden islendik mümkin bolan senä goşmaça tölegsiz uçup bilerler, diýlip «Türkmenhowaýollary» awiakompaniýasynyň rus wekilçiliginiň saýty habar berýär.