4-nji aprelde «Howdan-Bajgyran» serhet zolagynda Nowruz baýramy mynasybetli türkmen we eýran artistleriniň bilelikdäki konserti geçirildi.
Sungatyň we medeni däpleriň ýazky festiwalyna iki ýurduň resmi wekilleri we sungat ussatlary — aýdymçylar, sazandalar, tans toparlary gatnaşdylar.
— Bu hili çäre serhet zolagynda ilkinji gezek geçirilýär we onuň gurnalmagynyň maksady — iki ýurduň, özara düşünişmegiň we dostlugyň ýakynlaşmagy bolup durýar — diýip Eýranyň Türkmenistandaky ilçihanasynyň medeniýet boýunça geňeşçisi Reza Hanian belledi.
Ol şeýle hem şu ýyl geçiriljek Türkmenistanyň we Eýranyň Medeniýet hepdelikleri barada hem belledi.
Konsert maksatnamasyndan başga-da, bu ýerde gurnalan sungat şäherçesinde sergi meýdançasy döredildi. Onda sungat eserleri, zergärçilik, amaly-haşam eserleri ýerleşdirildi.
