Türkmenistan Özbegistanyň esasy söwda hyzmatdaşlarynyň biri bolmagynda galýar

  • 25.05.2022 18:28
  • 10k+

Özbegistanyň Döwlet statistika komiteti şu ýylyň ilkinji dört aýynda ýurduň daşary söwda dolanyşygynyň 17,16 milliard dollardan geçendigi baradaky maglumaty çap etdi. Bu görkezijide Türkmenistan hem ilkinji onluga girýär. Bu barada centralasia.news habar berdi. 

Habarda bellenilişi ýaly, bu görkeziji, 2021-nji ýylyň ýanwar — aprel aýlary bilen deňeşdirilende, 61,2 göterim ýokarlandy. Iň gowy hyzmatdaşlaryň sanawynda 254,5 million dollar görkezijisi bolan Türkmenistan (8-nji orun) hem bar. 

Statistiki maglumatlara görä, şu ýylyň ilkinji dört aýynda Özbegistan 203,3 million dollarlyk türkmen önümlerini satyn aldy, Türkmenistana edilen eksport bolsa 49,2 million ABŞ dollaryna barabar boldy.

Ýeri gelende, Özbegistan bilen Türkmenistanyň degişli edaralarynyň arasynda harytlaryň hereketi baradaky maglumatlary alyşmak bilen baglanyşykly şertnamanyň taslamasyny taýýarlaýandyklaryny hem bellemek gerek. 1-nji iýundan başlap Türkmenistan daşary ýurtlular üçin Özbegistan bilen Eýrany birleşdirýän üstaşyr geçelgäni hem açmagy meýilleşdirýär.


düýn 22:35
1k+

Kiýewdäki kitaphanada Magtymgula we ukrain pelsepeçisi Grigoriý Skoworoda bagyşlanan sazly çäre geçirildi

26-njy noýabrda Kiýew şäheriniň Swýatoşinskiý etrap döwlet dolandyryş edarasynyň Medeniýet bölüminiň «Swiçado» merkezi kitaphana ulgamynyň Magtymguly adyndaky kitaphanasynda «Ruhy çyraglar: Skoworoda we Magtymguly» atly şygryýet we saz çäresi geçirildi...

düýn 22:27
914

Dohada hökümetara türkmen-katar toparynyň mejlisi geçirildi

26-27-nji noýabrda Katar döwletiniň Doha şäherinde Söwda-ykdysady hyzmatdaşlyk boýunça hökümetara türkmen-katar toparynyň 3-nji mejlisi geçirildi. Mejlise iki ýurduň birnäçe döwlet edaralarynyň we işewür toparlarynyň ýolbaşçylary hem-de wekilleri gatnaşdylar diýip, Türkmenistanyň DIM-niň saýtynda habar berilýär...

düýn 22:21
484

Raşid Meredow Şri-Lankanyň DIM-niň ýolbaşçysy bilen Aşgabatda geçiriljek forumy maslahatlaşdy

27-nji noýabrda Türkmenistanyň daşary işler ministri Raşid Meredow bilen Şri-Lankanyň daşary işler, daşary ýurtlarda iş üpjünçiligi we syýahatçylyk ministri Widjitha Heratyň arasynda telefon arkaly söhbetdeşlik geçirildi...

düýn 22:17
341

Türkmenistanyň DIM-nde Hindistanyň ilçisi bilen duşuşyk geçirildi

27-nji noýabrda Türkmenistanyň daşary işler ministriniň orunbasary Ahmet Gurbanow Hindistanyň ilçisi Bandaru Wilsonbabu bilen duşuşdy. Bu barada Türkmenistanyň DIM-nde habar berdiler. Duşuşygyň barşynda diplomatlar türkmen-hindi gatnaşyklarynyň däp bolan dostlukly häsiýetini, şeýle hem syýasy, söwda-ykdysady hem-de medeni-ynsanperwer ugurlarda hyzmatdaşlygyň netijeliligini nygtadylar...