Gazagystan Türkmenistanda täze ilçisini belledi

Gazagystan Türkmenistanda täze ilçisini belledi

Gazagystan Respublikasynyň Prezidenti Kasym-Žomart Tokaýew ýurduň Türkmenistandaky täze ilçisini wezipä belledi. Ozal Täjigistanda iş alyp baran Askar Tažibaýew indi Türkmenistanda Gazagystanyň adyndan wekilçilik eder. Bu barada orient.tm habar berýär.

Askar Tažibaýew 1962-nji ýylda Almatyda doglup, Almaty energetika institutyny tamamlady. Gazagystanyň daşary syýasat edarasynda ol işgärler we konsullyk müdirliklerinde, GDA-nyň işleri boýunça komitetde, Merkezi Aziýa, Günorta Kawkaz we Türkiýe departamentlerinde işledi.
Häzirki wagta çenli Türkmenistanda Gazagystanyň adyndan wekilçilik eden Ýerkebulan Sapiýew bolsa Türkiýä ilçi bellenildi.