«Sent-Etýeniň» hüjümçisi 68 metrden gol geçirip, Liga 1-iň rekordyny goýdy

  • 02.11.2021 16:54
  • 7k+

"Sent-Etýen" toparynyň hüjümçisi Wahbi Hazri Liga 1-iň 12-nji tapgyrynda "Metz" (1:1) bilen geçirilen oýunda Fransiýanyň çempionatynyň taryhynda iň uzak aralykdan geçirilen goluň awtory boldy. Bu barada championat.com habar berdi.

Hazri goly meýdançanyň beýleki ýarymyndan depip geçirdi. 16-njy minutda ol öz jerime meýdançasyndan topy alansoň birneme ylgady we garşydaşyň derwezebanynyň derwezeden öňe çykanyny görüp, topy uzak aralykdan derwezä gönükdirdi. Netijede, top derwezebanyň üstünden aşyp, derwezä girip gitdi.

Opta-nyň ýazmagyna görä, bu gol Ligue 1-iň täze rekordy hökmünde hasaba alyndy. Gol 68 metrden tora girizildi. 2006/2007 möwsüminden, ýagny Ligue 1-iň statistikasynyň ýöredilip başlanyndan bäri beýle aralykdan hiç kim gol geçirmändi.

Hazriniň rekord aralykdan geçiren goly toparyny ýeňlişden halas etdi.


şu gün 19:46
1.4k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

şu gün 09:22
5.5k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
4.3k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...