Microsoft-yň kapitallaşdyrmasy ilkinji gezek 2 trln dollara ýetdi

Microsoft-yň kapitallaşdyrmasy ilkinji gezek 2 trln dollara ýetdi

22-nji iýunda Nýu-Ýork söwdasynda Microsoft IT-ägirdiniň paýnamalarynyň bahasy 1,2% ýokarlandy we bu kompaniýanyň gysga wagtlyk 2 trln dollarlyk bazar kapitallaşdyrmasyna ýetmegine mümkinçilik berdi diýip, Bloomberg agentligi habar berýär. Söwdanyň ahyrynda Microsoft-yň paýnamalary öňki söwda bahasyna 1,1% ösüşi görkezdi we 265,51 dollar boldy, kompaniýanyň bazar kapitallaşdyrmasy bosa 1,99 trln dollar boldy diýlip, Nasdaq biržasynyň maglumatlarynda getirilýär. Bu barada www.forbes.ru habar berýär.

IPO-dan bäri Microsoft-a 1 trln dollardan geçmek üçin 33 ýyl, 2 trln dollar üçin ýene iki ýyl gerek boldy.
22-nji iýunda FANGMAN toparynyň ähli paýnamalary ýokarlandy. Facebook-yň kagyzlary 2,16%, Apple – 1,27%, Netflix – 3,33%, Google (A synpy) – 0,4%, Amazon – 2,02%, Nvidia – 2,9% gymmatlady. 
Microsoft-yň işi, esasan, bulut bölümçesiniň kömegi bilen ösmegini dowam etdirýär. Kompaniýa ikinji çärýegiň jemi boýunça satuw göwrüminiň 44,05 mlrd dollar bolmagyna garaşýar, bu bir ýyl ozalkydan 15,8% köpdür. 
Kapitallaşdyrmasy $2 trln bolan ilkinji kompaniýa Saud Arabystanda iň uly korporasiýa Saudi Aramco, ondan soň Apple boldy. Häzirki wagtda olaryň bahasy, degişlilikde, 1,9 trln dollar we 2,2 trln dollar. Şeýle-de, 2 trln dollar bellige 1,77 trln dollar we 1,67 trln dollar bazar bahalary bilen Amazon we Google-iň esasy kompaniýasy Alphabet golaýlaýar.