Esasy azyk önümleriniň we çig malyň dünýä bahasy 2020-nji ýylda soňky üç ýylyň içinde iň ýokary baha boldy. Bu barada BMG-niň Azyk we oba hojalygy guramasy (FAO) FAO-nyň azyk nyrhlarynyň indeksine esaslanyp habar berdi. Muny mk.ru belleýär.
Geçen ýylyň dekabr aýynda görkeziji 107,5 bala çenli, ýagny noýabr aýy bilen deňeşdirilende 2,2% ýokarlandy, hut şonda indeksiň tas alty ýylyň içinde iň ýokary derejesi bellige alnypdy.
2020-nji ýylda indeksiň ortaça görkezijisi geçen ýyl bilen deňeşdirilende 3,1% ýokary boldy. Şeýle-de bolsa, ol 2011-nji ýylda hasaba alnan rekord görkezijiden 25% pesdir.
Şeýlelikde, FAO-nyň ösümlik ýagynyň baha görkezijisi dekabr aýynda 4,7% ýokarlandy (2012-nji ýylyň sentýabr aýyndan bäri rekord). Däneli ekinleriň baha görkezijisi 2019-njy ýyl bilen deňeşdirilende 6,6% ýokarlandy. Ýylyň ahyrynda iň uly ösüş tüwiniň (+8,6%), mekgejöweniň (7,6%) we bugdaýyň (5,6%) paýyna düşdi. Noýabr aýy bilen deňeşdirilende baha görkezijisi 3,2% ýokarlanan süýt önümleriniň bahasy 7 aý bäri ösýär.
FAO azyk önümleriniň bahasynyň ýokarlanmagyny diňe käbir bökdençliklere we üpjünçiligiň yza çekilmegine getiren pandemiýa bilen baglanyşdyrmak islemeýär. Hünärmenleriň tassyklamalaryna görä, bahanyň dinamikasy üpjünçiligiň we islegiň gatnaşygyna baglydyr.
